‘അധോലോകം’; റെഡിമെയ്ഡ് വസ്ത്രവിൽപനയുടെ മറവിൽ മയക്കുമരുന്ന് വിൽപന, ഓണക്കോടിക്കൊപ്പം എം.ഡി.എം.എയും

തിരുവനന്തപുരം: വെമ്പായത്ത് ‘അധോലോകം’ എന്ന പേരിലുള്ള റെഡിമെയ്ഡ് വസ്ത്ര വിൽപന ശാലയുടെ മറവിൽ മയക്കുമരുന്ന് വില്പന. ഷോപ്പിൽ എക്സൈസ് നടത്തിയ പരിശോധനയിലാണ് 2.10ഗ്രാം എം.ഡി.എം.എയും 317 ഗ്രാം കഞ്ചാവും പിടികൂടിയത്. മയക്കുമരുന്ന് വിൽപ്പന നടത്തിയ വെമ്പായം സ്വദേശി റിയാസ് (37), പുല്ലമ്പാറ സ്വദേശി സുഹൈല്‍(25), കോലിയക്കോട് സ്വദേശി ഷംനാദ് (40), കുതിരകുളം സ്വദേശി ബിനു (37) എന്നിവരെ എക്സൈസ് അറസ്റ്റ് ചെയ്തു.

തിരുവനന്തപുരം വെമ്പായത്ത് റെഡിമെയ്ഡ് വസ്ത്ര വിൽപന ശാലയില്‍ എക്സൈസ് നടത്തിയ പരിശോധനയില്‍ 2.10ഗ്രാം എംഡിഎംഎയും 317 ഗ്രാം കഞ്ചാവും പിടികൂടി. നാര്‍ക്കോട്ടിക് സെല്‍ ഡിവൈഎസ്പിക്ക് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് സംഘം പിടിയിലായത്. ഇതരസംസ്ഥാനത്തു നിന്നും വാഹനത്തിൽ വസ്ത്ര കെട്ടുകളിൽ മയക്കുമരുന്ന് ഒളിപ്പിച്ച് കടയിലെത്തിച്ച് വില്പന നടത്തുകയായിരുന്നു. ടെക്സ്റ്റയിൽസിന്റെ മറവിലായിരുന്നു ഇവർ കഞ്ചാവ് വിൽപ്പന നടത്തിയിരുന്നത്. അറസ്റ്റ് ചെയ്ത പ്രതികളെ കോടതിയില്‍ ഹാജരാക്കി.