ഡി.ആർ.ഡി.ഒ സെപ്റ്റം റിക്രൂട്ട്‌മെന്റ് 2022 നിരവധി ഒഴിവുകൾ, അപേക്ഷാ നടപടികൾ ആരംഭിച്ചു: വിശദവിവരങ്ങൾ

ഡൽഹി: ഡിഫൻസ് റിസർച്ച് ആൻഡ് ഡെവലപ്‌മെന്റ് ഓർഗനൈസേഷൻ (ഡി.ആർ.ഡി.ഒ) ഡിഫൻസ് റിസർച്ച് ടെക്‌നിക്കൽ കേഡറിന് കീഴിലുള്ള സീനിയർ ടെക്‌നിക്കൽ അസിസ്റ്റന്റ്-ബി (എസ്‌.ടി.എ-ബി), ടെക്‌നീഷ്യൻ-എ (ടെക്-എ) ഒഴിവുകൾ ഉൾപ്പെടെ 1901 ഡി.ആർ.ഡി.ഒ സെപ്റ്റം-10 തസ്തികകളിലേക്കുള്ള അപേക്ഷാ നടപടികൾ ആരംഭിച്ചു. രജിസ്ട്രേഷൻ സെപ്തംബർ 3-ന് ആരംഭിക്കുകയും സെപ്റ്റംബർ 23 വരെ നീണ്ടുനിൽക്കുകയും ചെയ്യും. താൽപ്പര്യമുള്ള ഉദ്യോഗാർത്ഥികൾക്ക് http://drdo.gov.in ൽ ഓൺലൈനായി അപേക്ഷിക്കാം.

ഡി.ആർ.ഡി.ഒ റിക്രൂട്ട്‌മെന്റ് 2022: ശമ്പള വിശദാംശങ്ങൾ

സീനിയർ ടെക്നിക്കൽ അസിസ്റ്റന്റ്- ബി: പ്രതിമാസം 35,400 രൂപ മുതൽ 1,12,400 രൂപ വരെ,

ടെക്നീഷ്യൻ എ: പ്രതിമാസം 19,900 രൂപ മുതൽ 63,200 രൂപ വരെ

ഡി.ആർ.ഡി.ഒ റിക്രൂട്ട്‌മെന്റ് 2022: യോഗ്യതാ മാനദണ്ഡം

സീനിയർ ടെക്നിക്കൽ അസിസ്റ്റന്റ്- ബി: അപേക്ഷകന് സയൻസിൽ ബിരുദം അല്ലെങ്കിൽ എൻജിനീയറിങ്, ടെക്നോളജി, കമ്പ്യൂട്ടർ സയൻസ് അല്ലെങ്കിൽ ലിങ്ക്ഡ് ഏരിയകളിൽ ഡിപ്ലോമ ഉണ്ടായിരിക്കണം.

നിരവധി ക്രിമിനൽ കേസുകളിൽ പ്രതി : യുവാവിനെ ക​രു​ത​ല്‍ ത​ട​ങ്ക​ലി​ലാ​ക്കി

ടെക്നീഷ്യൻ എ: ഉദ്യോഗാർത്ഥി 10-ാം ക്ലാസ് അല്ലെങ്കിൽ അംഗീകൃത ബോർഡിൽ നിന്നുള്ള തത്തുല്യ പരീക്ഷ പാസായിരിക്കണം. അവർക്ക് അംഗീകൃത ഇൻഡസ്ട്രിയൽ ട്രെയിനിംഗ് ഇൻസ്റ്റിറ്റ്യൂട്ടിൽ (ഐ.ടി.ഐ) നിന്നുള്ള സർട്ടിഫിക്കറ്റും ഉണ്ടായിരിക്കണം.

ഡി.ആർ.ഡി.ഒ റിക്രൂട്ട്‌മെന്റ് 2022: അപേക്ഷിക്കാനുള്ള നടപടികൾ;

ഡി.ആർ.ഡി.ഒ ഔദ്യോഗിക വെബ്സൈറ്റായ drdo.gov.in സന്ദർശിക്കുക.
സെപ്റ്റം റിക്രൂട്ട്‌മെന്റ് ലിങ്കിൽ ക്ലിക്ക് ചെയ്യുക
ആവശ്യമായ വിവരങ്ങൾ ഉപയോഗിച്ച് സ്വയം രജിസ്റ്റർ ചെയ്യുക
ഫോം പൂരിപ്പിച്ച് സമർപ്പിക്കുക
തുടർ റഫറൻസിനായി ഡൗൺലോഡ് ചെയ്ത് പ്രിന്റ് ഔട്ട് എടുക്കുക

ഡി.ആർ.ഡി.ഒ റിക്രൂട്ട്‌മെന്റ് 2022: തിരഞ്ഞെടുക്കൽ പ്രക്രിയ;

തിരഞ്ഞെടുക്കൽ പ്രക്രിയ ഒരു മൾട്ടി-സ്റ്റേജ് പ്രക്രിയയെ അടിസ്ഥാനമാക്കിയുള്ളതാണ്. ആദ്യമായി ഉദ്യോഗാർത്ഥികളെ ഷോർട്ട്‌ലിസ്റ്റ് ചെയ്യുന്നതിനായി സി.ബി.ടി പരീക്ഷ നടത്തും. തുടർന്ന്, തിരഞ്ഞെടുത്ത ഉദ്യോഗാർത്ഥികളുടെ അന്തിമ മെറിറ്റ് ലിസ്റ്റ് തയ്യാറാക്കും. അത് ലാബുകളിലും ഇൻസ്റ്റാളേഷനുകളിലും ഉള്ള വിവിധ നിയമന അതോറിറ്റികൾക്ക് കൈമാറും. പിന്നീട് തിരഞ്ഞെടുക്കപ്പെട്ട വ്യക്തികൾക്ക് കത്തയക്കും.