കോട്ടയം: മാല മോഷണക്കേസിൽ യുവതി അറസ്റ്റിൽ. തൃക്കൊടിത്താനം മഹാദേവ ക്ഷേത്രത്തിനു സമീപം കാലായിൽ മഞ്ജു നന്ദകുമാറിനെയാണ് പൊലീസ് അറസ്റ്റ് ചെയ്തത്. ചങ്ങനാശേരി പൊലീസ് ആണ് അറസ്റ്റ് ചെയ്തത്.
Read Also : പിണറായി വിജയന്‍ ഏറെ കാര്യക്ഷമതയുള്ള നേതാവാണ്: മുഖ്യമന്ത്രിയെ പ്രശംസിച്ച് വീണ്ടും ശശി തരൂര്‍
കഴിഞ്ഞദിവസം ചങ്ങനാശേരി മുൻസിപ്പൽ ജംഗ്ഷൻ ഭാഗത്തുള്ള ജ്വല്ലറിയിൽ മാല വാങ്ങാനെന്ന വ്യാജേന എത്തുകയും അവിടെ നിന്ന് മുക്കാൽ പവനോളം തൂക്കം വരുന്ന മാല മോഷ്ടിച്ചു രക്ഷപ്പെടുകയുമായിരുന്നു.
സ്ഥാപനമുടമ നൽകിയ പരാതിയിൽ, പൊലീസ് സിസിടിവി ദൃശ്യങ്ങളുടെ അടിസ്ഥാനത്തിലാണ് പ്രതിയെ കണ്ടെത്തിയത്. ചങ്ങനാശേരി എസ്എച്ച്ഒ റിച്ചാർഡ് വർഗീസ്, എസ്ഐ ജയകൃഷ്ണൻ, ജയമോൻ, വർഗീസ്, തോമസ് സ്റ്റാൻലി, അതുൽ കെ. മുരളി, കെ.എ. മിനിമോൾ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. യുവതിയെ കോടതിയിൽ ഹാജരാക്കി.
Post Your Comments