‘ദൈവത്തിന് നന്ദി’, കാത്തിരിപ്പിനൊടുവിൽ മൃദുല വിജയ് അമ്മയായി: ചിത്രം പങ്കുവച്ച് താരം

സീരിയൽ താരങ്ങളായ മൃദുല വിജയ്, യുവകൃഷ്ണ ദമ്പതികൾക്ക് പെൺകുഞ്ഞ് പിറന്നു. കുഞ്ഞിന്റെ കൈകളുടെ ചിത്രം സമൂഹ മാധ്യമത്തിലൂടെ പങ്കുവെച്ച് മൃദുല തന്നെയാണ് വിവരം അറിയിച്ചത്. 2015 മുതൽ അഭിനയ രംഗത്ത് സജീവമാണ് മൃദുല വിജയ്. മഴവിൽ മനോരമയിൽ സംപ്രേക്ഷണം ചെയ്തിരുന്ന ‘കൃഷ്ണതുളസി’ യിലൂടെയാണ് ശ്രദ്ധേയയാകുന്നത്.

മഞ്ഞിൽ വിരിഞ്ഞ പൂവ് സീരിയലിലെ മനു പ്രതാപ് എന്ന കഥാപാത്രത്തിലൂടെയാണ് യുവകൃഷ്ണ ടെലിവിഷൻ രംഗത്ത് സജീവസാന്നിധ്യമാകുന്നത്. 2021 ജൂലൈ 8 നായിരുന്നു ഇവരുടെ വിവാഹം. ഇപ്പോൾ കുഞ്ഞ് പിറന്ന സന്തോഷ വാർത്ത മൃദുല ഇൻസ്റ്റഗ്രാമിൽ പങ്കുവെച്ചു. ‘ഒരു പെൺകുഞ്ഞിനെ നൽകി ദൈവം ഞങ്ങളെ അനുഗ്രഹിച്ചു. ദൈവത്തിന് നന്ദി. പ്രാർഥനയും അനുഗ്രഹങ്ങളുമായി കൂടെ നിന്ന സുഹൃത്തുക്കൾക്കും ഒരുപാട് നന്ദി.’– ചിത്രത്തോടൊപ്പം മൃദുല കുറിച്ചു.

അലീന പടിക്കൽ, ഷിയാസ് കരീം, അർച്ചന സുശീലൻ, അഞ്ജലി അമീർ, ഷഫ്ന, ശ്രീനിഷ് അരവിന്ദ് എന്നിവരുൾപ്പടെ നിരവധി സഹപ്രവർത്തകര്‍ താരത്തിന് ആശംസകൾ നേർന്നു.