വെല്ലിംഗ്ടണ്‍ : ലേലത്തില്‍ വാങ്ങിയ ബാഗില്‍ മൃതദേഹാവശിഷ്ടങ്ങള്‍ കണ്ടെത്തി. ന്യൂസിലാന്റിലെ ഓക്ക്ലാന്റിലാണ് ഞെട്ടിക്കുന്ന സംഭവം . സ്റ്റോറേജ് യൂണിറ്റ് സേലിന്റെ ഭാഗമായി നടത്തിയ ലേലത്തില്‍ വിറ്റ നിരവധി ബാഗുകളിലാണ് മൃതദേഹാവശിഷ്ടങ്ങള്‍ കണ്ടെത്തിയത്. സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്.
Read Also: അവയവമാറ്റ ശസ്ത്രക്രിയകൾക്ക് അന്തർദേശീയ നിലവാരത്തിലുള്ള കേന്ദ്രം: മുഖ്യമന്ത്രി
സൗത്ത് ഓക്ക്ലാന്റിലെ ഒരു കുടുംബമാണ് ഈ വിവരം പോലീസിനെ അറിയിച്ചത്. ലേലത്തില്‍ വെച്ച സ്യൂട്ട്കേസുകളില് മൃതദേഹങ്ങളും അവശിഷ്ടങ്ങളും കണ്ടെത്തിയെന്നാണ് കുടുംബം അറിയിച്ചത്. തുടര്‍ന്ന് പോലീസ് എത്തി അന്വേഷണം നടത്തി. മരിച്ചയാളെ തിരിച്ചറിയുക എന്നതിനാണ് മുന്‍ഗണന. ഇവിടെ കൂട്ടക്കൊല നടന്നിട്ടുണ്ടാകുമെന്ന് പോലീസ് സംശയിക്കുന്നുണ്ട്. സ്യൂട്ട് കേസ് ലേലത്തില്‍ വെച്ച കമ്പനി ഉദ്യോഗസ്ഥരെ ഉള്‍പ്പെടെ ചോദ്യം ചെയ്യാന്‍ ആരംഭിച്ചിട്ടുണ്ട്.
Post Your Comments