ചിങ്ങവനം: നിയന്ത്രണം വിട്ട് ഓട്ടോറിക്ഷ മറിഞ്ഞ് അന്യസംസ്ഥാന തൊഴിലാളിക്ക് പരിക്ക്. ഓടിക്കൊണ്ടിരുന്ന ഓട്ടോറിക്ഷായുടെ ഹാന്‍റിലിൽ പുറകിലിരുന്ന യാത്രക്കാരൻ കയറിപ്പിടിച്ചതിനെത്തുടർന്നാണ് അപകടം നടന്നത്. ഓട്ടോയിൽ യാത്ര ചെയ്തിരുന്ന മറ്റൊരു അന്യസംസ്ഥാന തൊഴിലാളിക്ക് ആണ് ഗുരുതരമായി പരിക്കേറ്റത്.
Read Also : സിപിഎം പ്രവർത്തകൻ ഷാജഹാൻ വധം രാഷ്ട്രീയക്കൊലയെന്ന വാദം തള്ളി എഫ്.ഐ.ആർ
ഇന്നലെ രാത്രി ഒമ്പതിന് എംസി റോഡിൽ ചിങ്ങവനം പൊലീസ് സ്റ്റേഷന് സമീപമായിരുന്നു അപകടം. തലയ്ക്കും കൈയ്ക്കും ഗുരുതരമായി പരിക്കേറ്റു റോഡിൽ കിടന്ന ഇയാളെ പൊലീസ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
രാത്രി റോഡ് വിജനമായിരുന്നതിനാൽ കൂടുതൽ അപകടം ഒഴിവായി. ഡ്രൈവർക്കും മറ്റു യാത്രക്കാർക്കും പരിക്കുകളില്ല.
Post Your Comments