പാലാ: കൊലപാതക കേസിൽ രണ്ടുപേർ അറസ്റ്റിൽ. നെച്ചിപ്പുഴൂർ വട്ടക്കാനത്തിൽ അജിത്ത് (30), ളാലം നെച്ചിപ്പുഴൂർ കൈത്തുംകര വിനീത് ( അനീഷ്-38) എന്നിവരെയാണ് അറസ്റ്റ് ചെയ്തത്. പാലാ പൊലീസ് ആണ് അറസ്റ്റ് ചെയ്തത്.
കഴിഞ്ഞദിവസം പ്രതികൾ ഇരുവരും കരൂർ രാജീവ് നഗർ ടിവി സെന്‍ററിൽ ഇരുന്നു മദ്യപിക്കുന്നതു കണ്ട സുനീഷ് ഇവിടെയിരുന്ന് മദ്യപിക്കാൻ പാടില്ലെന്ന് പറഞ്ഞു. തുടർന്ന്, ഇവർ തമ്മിൽ വാക്കേറ്റമുണ്ടായി. ഇതിനുശേഷം വീട്ടിലേക്ക് പോയ സുനീഷിനെ വീട്ടിൽ നിന്നു വലിച്ചിറക്കി വിറകുകമ്പുകൊണ്ട് ആക്രമിക്കുകയായിരുന്നു.
Read Also : ഭക്ഷണം തൊണ്ടയിൽ കുടുങ്ങി ഒന്നര വയസുകാരൻ മരിച്ചു
ആന്തരികാവയവങ്ങൾക്ക് ഗുരുതരമായി പരിക്കേറ്റ സുനീഷിനെ ആദ്യം പാലാ ജനറൽ ആശുപത്രിയിലും പരിക്ക് ഗുരുതരമായതിനാൽ കോട്ടയം മെഡിക്കൽ കോളജിലും പ്രവേശിപ്പിച്ചെങ്കിലും മരിക്കുകയായിരുന്നു. ആക്രമണത്തിനുശേഷം ഒളിവിൽ പോയ പ്രതികളെ ജില്ലാ പൊലീസ് ചീഫ് കെ. കാർത്തിക്കിന്‍റെ നേതൃത്വത്തിലുള്ള അന്വേഷണസംഘം ചിങ്ങവനം പാത്താമുട്ടത്തു നിന്നാണ് പിടികൂടിയത്.
പാലാ ഡിവൈഎസ്പി ഗിരീഷ് പി. സാരഥി, പാലാ എസ്എച്ച്ഒ കെ.പി. തോംസണ്‍, എസ്ഐ എം.ഡി. അഭിലാഷ്, സിപിഒമാരായ രഞ്ജിത്ത്, ജോഷി മാത്യു, ജോജി ജോസഫ്, ജോസ് സ്റ്റീഫൻ എന്നിവർ ചേർന്നാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Post Your Comments