മുപ്പതുകളിൽ നമ്മുടെ ശരീരത്തിന്റെ പ്രവർത്തനങ്ങൾ മന്ദഗതിയിലാകാൻ തുടങ്ങും. തൽഫലമായി, വിട്ടുമാറാത്ത രോഗങ്ങളെ ചെറുക്കുന്നതും ശാരീരിക ആരോഗ്യം നിലനിർത്തുന്നതും നമുക്ക് കൂടുതൽ വെല്ലുവിളിയായി മാറുന്നു. അതിനാൽ ആരോഗ്യം നിലനിർത്തുന്നതിനായി ശരിയായ പോഷകാഹാരത്തോടുകൂടിയ ഭക്ഷണം കഴിക്കണം. പോഷകങ്ങളാൽ സമ്പന്നമായ ഭക്ഷണങ്ങൾ മുപ്പതുകളിൽ ആരോഗ്യത്തിന് വളരെ പ്രയോജനകരമാണെന്ന് കണക്കാക്കപ്പെടുന്നു.
മുപ്പതുകളിൽ സ്ത്രീകളും പുരുഷന്മാരും കഴിക്കേണ്ട ഏഴ് സപ്ലിമെന്റുകൾ ഇവയാണ്:
അശ്വഗന്ധ: ഈ ചെടിക്ക് വൈവിധ്യമാർന്ന ചികിത്സാ ഗുണങ്ങളുണ്ട്, കൂടാതെ ഫ്രീ റാഡിക്കലുകളെയും ഓക്സിഡേറ്റീവ് സമ്മർദ്ദത്തെയും നേരിടാൻ ശരീരത്തെ സഹായിക്കുന്നതിന് ആന്റിഓക്‌സിഡന്റായി ഇത് ഉപയോഗിക്കാം. പ്രായമാകുമ്പോൾ പുരുഷന്മാരിൽ ടെസ്റ്റോസ്റ്റിറോൺ അളവ് പുനഃസ്ഥാപിക്കുന്നതിനും അശ്വഗന്ധ സഹായിക്കുന്നു.
സ്പിരുലിന: ഈ മൈക്രോഅൽഗ, ഒമേഗ-3, ഒമേഗ-6 ഫാറ്റി ആസിഡുകളുടെയും വിറ്റാമിൻ എ, ഇ, കെ, ബി1, ബി2, ബി3, ബി6, ബി9 (ഫോളേറ്റ്), ബി5 (പാന്റോതെനിക് ആസിഡ്) എന്നിവയുടെയും സ്വാഭാവിക ഉറവിടമാണ്. സെല്ലുലാർ മെറ്റബോളിസം, വികസനം, പ്രതിരോധം എന്നിവയ്ക്ക് ഈ വിറ്റാമിനുകൾ പ്രധാനമാണെങ്കിലും, ഒമേഗ 3, 6 ഫാറ്റി ആസിഡുകളുടെ സാന്നിധ്യം ഹൃദയാരോഗ്യത്തിന് പ്രത്യേകിച്ച് ഗുണം ചെയ്യും.
ജിങ്കോ ബിലോബ: ലോകത്തിലെ ഏറ്റവും പഴക്കം ചെന്ന വൃക്ഷങ്ങളിൽ ഒന്നാണിത്. ഇതിൽ ആന്റിഓക്‌സിഡന്റുകൾ അടങ്ങിയിട്ടുണ്ട്. അവ ശരീരത്ത് രക്തയോട്ടം വർദ്ധിപ്പിക്കുന്നു. ജിങ്കോ ഫ്ലേവനോയിഡുകൾ ഓർമ്മശക്തിക്കും ഏകാഗ്രതയ്ക്കും സഹായിക്കുന്നു.
ജിൻസെംഗ്: ജിൻസെംഗ് അതിന്റെ ആൻറി-ഇൻഫ്ലമേറ്ററി, ആന്റി ട്യൂമർ ഇഫക്റ്റുകൾക്ക് പേരുകേട്ടതാണ്. അതിന്റെ വേരുകൾ ലിബിഡോ പുനഃസ്ഥാപിക്കുന്നതിനും ക്ഷീണവും പിരിമുറുക്കവും കുറയ്ക്കുന്നതിനും സഹായിക്കുന്നു.
ബ്ലൂബെറി: ബ്ലൂബെറിയിൽ ഏറ്റവും ഉയർന്ന ആന്റിഓക്‌സിഡന്റ് അടങ്ങിയിട്ടുണ്ടെന്ന് അംഗീകരിക്കപ്പെട്ടിരിക്കുന്നു. പുരുഷന്മാരുടെ ടെസ്റ്റോസ്റ്റിറോൺ അളവും കൊളസ്ട്രോളിന്റെ അളവും നിയന്ത്രിക്കാൻ അവ സഹായിക്കുന്നു. ഇത് കൊളസ്ട്രോളിന്റെ അളവ് നിയന്ത്രിക്കുകയും ഹൃദ്രോഗ സാധ്യത കുറയ്ക്കുകയും ചെയ്യുന്നു.
Post Your Comments