ചങ്ങനാശ്ശേരി: കൊലപാതകശ്രമക്കേസിലെ പ്രതികളെ ചങ്ങനാശ്ശേരി പോലീസ് മണിക്കൂറുകൾക്കുള്ളിൽ പിടികൂടി. റെന്‍റ് എ കാർ ബിസിനസുമായി ബന്ധപ്പെട്ട തര്‍ക്കം കൊലപാതകശ്രമത്തിലേക്ക് എത്തുകയായിരുന്നു.
ആറംഗ സംഘമാണ് ചങ്ങനാശ്ശേരി പോലീസിന്റെ പിടിയിലായത്. ഫാത്തിമാപുരം പാറേൽ കോളനി സ്വദേശി സിജോ സെബാസ്റ്റ്യൻ. അജേഷ് പി. ദാമോദരൻ, സച്ചു കുശൻ, ബെസ്റ്റിൻ ജോളിച്ചൻ, തൃക്കൊടിത്താനം സ്വദേശി നിധിൻ ജോസഫ് ആലുംമൂടൻ, കറുകച്ചാൽ സ്വദേശി ജയിത്ത് കുമാർ എന്നിവരാണ് അറസ്റ്റിലായത്. തൃക്കൊടിത്താനം സ്വദേശിയായ മുഹമ്മദ് അഫ്സലിനെയാണ് ഇവർ കൊലപ്പെടുത്താൻ ശ്രമിച്ചത്.
ചങ്ങനാശ്ശേരി എസ്.എച്ച്.ഒ റിച്ചാർഡ് വർഗീസിന്‍റെ നേതൃത്വത്തിലായിരുന്നു അന്വേഷണം. മണിക്കൂറുകൾക്കുള്ളിൽ തന്നെ ആറംഗ സംഘത്തെ പോലീസ് പിടികൂടി. നിരവധി കേസുകളിൽ പ്രതികളാണ് പിടിയിലായവർ.
Post Your Comments