പുത്തൻ സവിശേഷതകളിൽ വെർട്ടിക്കൽ വൈറ്റ് ഗ്രൈൻഡർ പുറത്തിറക്കി ടിടികെ പ്രസ്റ്റീജ്

നൂതനവും വ്യത്യസ്തവുമായ സവിശേഷതകൾ കോർത്തിണക്കി ടിടികെ പ്രസ്റ്റീജ് പുത്തൻ വെർട്ടിക്കൽ വൈറ്റ് ഗ്രൈൻഡർ വിപണിയിൽ അവതരിപ്പിച്ചു. ആകർഷകമായ ഡിസൈനിലാണ് വെർട്ടിക്കൽ വൈറ്റ് ഗ്രൈൻഡർ രൂപകൽപ്പന ചെയ്തിട്ടുള്ളത്. കൂടാതെ, ഈ ഗ്രൈൻഡറിൽ ടൈമർ സംവിധാനവും ഒരുക്കിയിട്ടുണ്ട്. മുൻനിര കിച്ചൻ അപ്ലയൻസ് കമ്പനിയാണ് ടിടികെ പ്രസ്റ്റീജ്.

സൗകര്യപ്രദമായ രീതിയിൽ അടുക്കളയുടെ ഏത് ഭാഗത്തും ഈ ഗ്രൈൻഡർ സ്ഥാപിക്കാൻ സാധിക്കും. ടൈമർ സംവിധാനം ഒരുക്കിയിരിക്കുന്നതിനാൽ, മുൻകൂട്ടി തന്നെ ടൈം സെറ്റ് ചെയ്ത് വയ്ക്കാൻ കഴിയുന്നതാണ്. ഇത്തരത്തിൽ സമയപരിധി കഴിഞ്ഞാലുടൻ ടൈമർ ഓഫ് ആകും.

Also Read: സന്ധ്യയ്ക്ക് വാതില്‍ നടയില്‍ വിളക്ക് കൊളുത്തി വെച്ചാൽ..

ഗ്രൈൻഡറിനും മോട്ടോറിനും പ്രത്യേകമായി വാറന്റി നൽകുന്നുണ്ട്. ഗ്രൈൻഡറിന് രണ്ടുവർഷവും മോട്ടോറിന് അഞ്ചുവർഷവുമാണ് വാറന്റി നൽകുന്നത്. ഒന്നര ലിറ്റർ കപ്പാസിറ്റിയുള്ള മോഡലിന് 7,070 രൂപയും രണ്ട് ലിറ്റർ കപ്പാസിറ്റിയുള്ള മോഡലിന് 7,520 രൂപയുമാണ് വില.