കോവിഡ് പ്രതിസന്ധിയിലും കുതിച്ചുയർന്ന് സംസ്ഥാനത്തെ ഐടി പാർക്കുകൾ

കോവിഡ് പ്രതിസന്ധിയിലും തളരാതെ സംസ്ഥാനത്തെ ഐടി പാർക്കുകൾ. കോവിഡ് കാലയളവിൽ കയറ്റുമതിയിൽ വൻ വളർച്ച നേടാൻ ഐടി പാർക്കുകൾക്ക് സാധിച്ചിട്ടുണ്ട്. തിരുവനന്തപുരം ടെക്നോപാർക്ക്, കൊച്ചി ഇൻഫോപാർക്ക്, കോഴിക്കോട് സൈബർപാർക്ക് എന്നിവിടങ്ങളിലെ കയറ്റുമതി വരുമാനമാണ് കുതിച്ചുയർന്നത്. 2020-21 സാമ്പത്തിക വർഷത്തിൽ ടെക്നോ പാർക്ക്, ഇൻഫോ പാർക്ക്, സൈബർ പാർക്ക് എന്നിവിടങ്ങളിലെ വരുമാനം യഥാക്രമം 8,501 കോടി, 6,310 കോടി, 26.16 കോടി എന്നിങ്ങനെയാണ്.

2019-20 കാലയളവിൽ 7,890 കോടിയായിരുന്നു ടെക്നോപാർക്കിന്റെ വരുമാനം. എന്നാൽ, 2020-21 കാലയളവിൽ 7.7 ശതമാനം വളർച്ചയാണ് രേഖപ്പെടുത്തിയത്. കൂടാതെ, ടെക്നോപാർക്കിലെ കമ്പനികളുടെ എണ്ണവും ജീവനക്കാരുടെ എണ്ണവും വർദ്ധിച്ചിട്ടുണ്ട്. 2019-20 ൽ 5,200 കോടിയുടെ വരുമാനമാണ് ഇൻഫോപാർക്കിന് നേടാൻ സാധിച്ചത്. 2020-21 കാലയളവുമായി താരതമ്യം ചെയ്യുമ്പോൾ 22 ശതമാനം വർദ്ധനവോടെ കയറ്റുമതി വരുമാനം 6,310 കോടിയായി.

Also Read: കേരള ടൂറിസത്തിന് മുഴപ്പിലങ്ങാട്- ധർമ്മടം ബീച്ച് സമഗ്ര വികസന പദ്ധതി മുതൽക്കൂട്ടാവും: മുഖ്യമന്ത്രി  

സൈബർ പാർക്കിന് 2020-21 കാലയളവിൽ 26.16 കോടിയുടെ വരുമാനവും 2021-22 കാലയളവിൽ 55.70 കോടിയുടെ വരുമാനവും നേടാൻ സാധിച്ചിട്ടുണ്ട്.