ഗാന്ധിനഗർ: സ്കൂൾ വിദ്യാർത്ഥികൾക്കു നിരോധിത പുകയില ഉത്പന്നങ്ങൾ വിറ്റ പ്രതി അറസ്റ്റിൽ. സ്കൂൾ കുട്ടികൾക്കു നിരോധിത പുകയില ഉൽപ്പന്നങ്ങൾ വിറ്റ അതിരമ്പുഴ കുട്ടിപ്പടി ഭാഗത്ത് അഭിരാമം വീട്ടിൽ ജയദേവനെ(52)യാണ് ഗാന്ധിനഗർ പൊലീസ് അറസ്റ്റ് ചെയ്തത്.
മാന്നാനം കുട്ടിപ്പടി ഭാഗത്ത് അഭിരാമം ബേക്കറി ആൻഡ് ജനറൽ സ്റ്റോഴ്സ് എന്ന കടയിൽ നിന്നു സ്കൂൾ കുട്ടികൾക്കു നിരോധിത പുകയില ഉൽപ്പന്നങ്ങൾ വിൽക്കുന്നുവെന്നു ജില്ലാ പൊലീസ് മേധാവിക്കു രഹസ്യവിവരം കിട്ടിയിരുന്നു. തുടർന്ന്, നടത്തിയ പരിശോധനയിലാണ് അറസ്റ്റ്. ഇയാളുടെ കടയിൽ നിന്ന് സിഗരറ്റും മറ്റു പുകയില ഉൽപ്പന്നങ്ങളും പൊലീസ് കണ്ടെടുത്തു.
Read Also : മരത്തിന്റെ ശിഖരം വെട്ടിമാറ്റുന്നതിനിടെ കമ്പ് ഒടിഞ്ഞ് കിണറ്റിൽ വീണ് ഗൃഹനാഥൻ മരിച്ചു
ഗാന്ധിനഗർ എസ്എച്ച്ഒ കെ. ഷിജി, എസ്ഐ വിദ്യ, സിപിഒ സോണി തോമസ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
സ്കൂളുകളും കോളജുകളും ലക്ഷ്യമിട്ടു പുകയില ഉത്പന്നങ്ങൾ വിൽക്കുന്നവർക്കെതിരെ കർശന നടപടി സ്വീകരിക്കുമെന്ന് ജില്ലാ പൊലീസ് ചീഫ് കെ. കാർത്തിക് അറിയിച്ചു.
Post Your Comments