ലക്നൗ: ഉത്തർ പ്രദേശിലെ സരയൂ നദിലൂടെ ഷർട്ട് ധരിക്കാതെ ബൈക്ക് ഓടിച്ച യുവാവ് അറസ്റ്റിൽ. നദിയിൽ ധാരാളമാളുകൾ കുളിക്കുന്നതിന്റെ ഇടയിലൂടെയാണ് ഇയാൾ ബൈക്ക് ഓടിച്ചത്. ഈ ദൃശ്യങ്ങൾ സമീപവാസിയായ ഒരാൾ മൊബൈലിൽ പകർത്തുകയായിരുന്നു.
തുടർന്ന്, സോഷ്യൽ മീഡിയയിൽ വീഡിയോ വ്യാപകമായി പ്രചരിച്ചതോടെ പോലീസ് ഇയാൾക്കെതിരെ കേസെടുത്തു. ബൈക്ക് അഭ്യാസം, ഹെൽമറ്റ് ധരിക്കാതെ വാഹനമോടിക്കൽ എന്നീ വകുപ്പുകളാണ് യുവാവിനെതിരെ ചുമത്തിയിരിക്കുന്നത്.
നിരവധി ഭക്തർ സന്ദർശിക്കുന്ന പുണ്യസ്ഥലമാണ് അയോധ്യ. ഈ പുണ്യ സ്ഥലത്തിന്റെ പവിത്രതയും ഭക്തന്മാരുടെ വിശ്വാസവും തകർക്കുന്ന രീതിയിലാണ് യുവാവ് പെരുമാറിയത്. ഇതിനെതിരെ പരിസരവാദികൾ വ്യാപകമായി പ്രതിഷേധം രേഖപ്പെടുത്തിയിരുന്നു.
Post Your Comments