അഗളി: കനത്ത മഴയെ തുടർന്ന്, മൃഗാശുപത്രിയുടെ മതിൽക്കെട്ട് ഇടിഞ്ഞു വീണു. കഴിഞ്ഞദിവസമുണ്ടായ കനത്ത മഴയിൽ ആണ് ചിറ്റൂരിൽ ചുണ്ടകുളത്തിനു സമീപമുള്ള മൃഗാശുപത്രിയുടെ സംരക്ഷണ ഭിത്തി ഇടിഞ്ഞു വീണത്.
സമീപത്തുള്ള വീട്ടുമുറ്റത്തേക്കാണ് കൽക്കെട്ട് അടർന്നു വീണിരിക്കുന്നത്. മൃഗാശുപത്രിയുടെ ചുറ്റുമതിലിൽ പലഭാഗത്തായി വിള്ളലുകൾ രൂപപ്പെട്ടിട്ടുണ്ട്.
മഴ ശക്തമായാൽ കൂടുതൽ ഉയരത്തിൽ നിന്ന് മതിൽക്കെട്ട് തകർന്ന് വീഴുമെന്നും അത് മതിലിനു താഴെയുള്ള വീട് തകരുന്നതിനും ആളപായത്തിനും ഇടയാക്കുമെന്നും നാട്ടുകാർ ചൂണ്ടിക്കാട്ടി. ഇത് തടയാൻ അധികൃതർ വേണ്ട നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.
Post Your Comments