തിരുവനന്തപുരം: പ്രതി പക്ഷത്തിനെതിരെ രൂക്ഷവിമർശവുമായി പൊതുമരാമത്ത് മന്ത്രി. പ്രതിപക്ഷനേതാക്കള്‍ കിങ് ലിയര്‍മാരാണെന്നും ഇനി അധികാരം കിട്ടില്ലെന്ന വിഭ്രാന്തിയാണ് പ്രതിപക്ഷത്തിനെന്നും അദ്ദേഹം പ്രതികരിച്ചു. ‘സഭാംഗങ്ങളായതുകൊണ്ടാണ് മന്ത്രിമാര്‍ പ്രതിപക്ഷത്തിനെതിരെ പ്രതിഷേധിച്ചത്. മാന്യത അങ്ങോട്ടുമാത്രമല്ല, ഇങ്ങോട്ടും വേണമെന്ന് മന്ത്രി പറഞ്ഞു. മാധ്യമവിലക്ക് സ്പീക്കര്‍ വിശദീകരിക്കും’- മുഹമ്മദ് റിയാസ് വ്യക്തമാക്കി.
അതേസമയം, അധികാരം കൈവിട്ട് കിളിപോയവര്‍ കലാപം സൃഷ്ടിച്ച് സര്‍ക്കാരിനെ അസ്ഥിരപ്പെടുത്താന്‍ ശ്രമിക്കുകയാണെന്നും മുഖ്യമന്ത്രിയെ കൊലപ്പെടുത്താന്‍ ശ്രമിച്ചവരെ മാലയിട്ട് സ്വീകരിച്ചവരാണ് സമാധാനത്തെകുറിച്ച് പറയുന്നതെന്നും മന്ത്രി മാധ്യമങ്ങളോട് പറഞ്ഞു.
‘പ്രതിപക്ഷനേതാവിന് സ്വയംകിളി പോയതു കൊണ്ടാണ് മറ്റുള്ളവരുടെയൊക്കെ കിളിപോയതായി തോന്നുന്നത്. എസ്.എഫ്.ഐ ആര്‍ക്കും കൊട്ടാവുന്ന ചെണ്ടയല്ല. എസ്.എഫ്.ഐയെ ഇല്ലാതാക്കിക്കളയാന്‍ ശ്രമിച്ചാല്‍ നടക്കുന്ന കാര്യമല്ല’- മുഹമ്മദ് റിയാസ് പറഞ്ഞു.
Post Your Comments