കാബൂള്‍: അഫ്ഗാനിലെ ഗുരുദ്വാരയില്‍ ഉണ്ടായ ഐഎസ് ആക്രമണത്തെ അപലപിച്ച് പ്രധാനമന്ത്രി നരേന്ദ്ര മോദി. ഭീകരാക്രമണം ഞെട്ടല്‍ ഉണ്ടാക്കിയെന്ന് അദ്ദേഹം പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
Read Also: അസമിലും മേഘാലയയിലും കനത്ത മഴ: സഹായ വാഗ്ദാനം നൽകി പ്രധാനമന്ത്രി
‘കാബൂളിലെ ഗുരുദ്വാരയില്‍ ഇസ്ലാമിക് സ്റ്റേറ്റ് ഭീകരര്‍ നടത്തിയ ആക്രമണം ഞെട്ടല്‍ ഉളവാക്കി. പ്രാകൃതമായ ഭീകരാക്രണത്തെ അപലപിക്കുന്നു. ഭക്തരുടെ സുരക്ഷയ്ക്കും നന്മയ്ക്കുമായി പ്രാര്‍ത്ഥിക്കുന്നു’, പ്രധാനമന്ത്രി ട്വീറ്റ് ചെയ്തു.
ഭീകരാക്രമണത്തെ കേന്ദ്രവിദേശകാര്യ മന്ത്രി ഡോ എസ്. ജയശങ്കറും അപലപിച്ചിരുന്നു. ഭീകരാക്രമണവുമായി ബന്ധപ്പെട്ട വാര്‍ത്തകള്‍ പുറത്തുവന്നതിന് പിന്നാലെ തന്നെ സ്ഥിതിഗതികള്‍ ഇന്ത്യ വിലയിരുത്തിവരികയാണെന്നും, പ്രഥമ പരിഗണന അഫ്ഗാനിലെ സിഖ് വിഭാഗത്തിന്റെ ക്ഷേമത്തിനാണെന്നുമായിരുന്നു അദ്ദേഹം പറഞ്ഞത്.
രാവിലെയോടെയാണ് ഗുരുദ്വാരയ്ക്ക് നേരെ ഐഎസ് ഭീകരാക്രമണം ഉണ്ടായത്. സംഭവത്തില്‍ രണ്ട് പേര്‍ കൊല്ലപ്പെടുകയും ഏഴ് പേര്‍ക്ക് പരിക്കേല്‍ക്കുകയും ചെയ്തു. ഗുരുദ്വാരയ്ക്കും കേടുപാടുകള്‍ സംഭവിച്ചിട്ടുണ്ട്.
Post Your Comments