കുത്തനെ ഇടിഞ്ഞ് സ്റ്റീൽ വില

ആഭ്യന്തര സ്റ്റീൽ വില കുത്തനെ ഇടിഞ്ഞു. മുൻ മാസത്തേക്കാൾ 14 ശതമാനം മുതൽ 20 ശതമാനം വരെ കുറവാണ് ഇത്തവണ രേഖപ്പെടുത്തിയത്. ഒരു ടൺ സ്റ്റീലിന്റെ വിലയിൽ 12,000- 15,000 രൂപയുടെ ഇടിവാണ് ഉണ്ടായത്.

ഇരുമ്പയിര്, കോക്കിംഗ് കൽക്കരി തുടങ്ങിയ അസംസ്കൃത വസ്തുക്കളുടെ വില കുറയുന്നതിനാൽ സ്റ്റീൽ വിലയിൽ വീണ്ടും ഇടിവ് ഉണ്ടാകുമെന്നാണ് വിലയിരുത്തൽ. ഡിമാൻഡ് കുറഞ്ഞതും സ്റ്റോക്ക് കൂടിയതും ആഭ്യന്തര സ്റ്റീൽ വിലയെ പ്രതികൂലമായി ബാധിച്ചു.

Also Read: ‘എല്ലാ മതങ്ങളെയും ബഹുമാനിക്കണം’: ഉയിഗൂർ മുസ്ലീം വിഭാഗത്തിൽപ്പെട്ടവരെ ക്രൂരമായി പീഡിപ്പിക്കുന്ന ചൈന പറയുന്നു

ഹോട്ട്-റോൾഡ് കോയിലിന്റെ (എച്ച്ആർസി) വിലയിൽ 18 ശതമാനമാണ് ഇടിവ് ഉണ്ടായത്. അതായത്, ഒരു ടൺ എച്ച്ആർസിയുടെ വില 64,000 രൂപയായി കുറഞ്ഞു. കൂടാതെ, റീബാർ വില ടണ്ണിന് 61,000- 63,000 രൂപയായി കുറഞ്ഞു.