‘ടോക്സിക് അല്ല, ഒരിക്കൽ പോലും പരിധിവിട്ട് പെരുമാറിയിട്ടില്ല’: റോബിനാണ് ഇഷ്ട താരമെന്ന് ഗായത്രി സുരേഷ്

ബിഗ് ബോസ് പ്രേക്ഷകരെ ഞെട്ടിച്ച് കൊണ്ടായിരുന്നു റോബിൻ രാധാകൃഷ്ണനെ ഷോയിൽ നിന്നും പുറത്താക്കിയത്. സഹമത്സരാർത്ഥികളിൽ ഒരാളായ റിയാസിനെ ശാരീരികമായി കൈയ്യേറ്റം ചെയ്തതിനാണ് റോബിനെ ഷോയിൽ നിന്നും പുറത്താക്കിയത്. ഇപ്പോഴിതാ, റോബിനെ പുകഴ്ത്തി രംഗത്തെത്തിയിരിക്കുകയാണ് നടി ഗായത്രി സുരേഷ്. മലയാളം ബിഗ് ബോസിലെ ഏറ്റവും മികച്ച മത്സരാർത്ഥിയാണ് റോബിനെന്ന് ഗായത്രി പറയുന്നു. ഇൻസ്റ്റഗ്രാം പോസ്റ്റിലൂടെയായിരുന്നു താരത്തിന്റെ പ്രതികരണം.

‘എൻറെ അഭിപ്രായത്തിൽ ഡോക്ടർ റോബിൻ രാധാകൃഷ്ണനാണ് മലയാളം ബിഗ് ബോസ് ചരിത്രത്തിലെ ഏറ്റവും മികച്ച മത്സരാർഥി. ഒട്ടും ടോക്സിക് അല്ല. ഏറ്റവും കൂടുതൽ പോസിറ്റിവിറ്റി ഉള്ള ആൾ. ഇദ്ദേഹം ഫേക്ക് ആണെന്ന് എനിക്ക് ഒരിക്കൽ പോലും തോന്നിയിട്ടില്ല. പലതരത്തിലുള്ള പ്രകോപനങ്ങൾ ഉണ്ടായിട്ടും ഇദ്ദേഹം വളരെ മികച്ച രീതിയിൽ അത് കൈകാര്യം ചെയ്തു. ഒരു തവണ പോലും പരിധിവിട്ട് പെരുമാറിയിട്ടില്ല. വിവരവും ബുദ്ധിയും ഉള്ള ആളുകൾ എപ്പോഴും ഇങ്ങനെ ആയിരിക്കും. അവർ ഒരിക്കലും അവരുടെ ആറ്റിറ്റ്യൂഡ് വിട്ട് കളിക്കുകയില്ല’, ഗായത്രി സുരേഷ് കുറിച്ചു.

ദൈവത്തിൻറെ പ്രിയപ്പെട്ട മകൻ ആണ് അദ്ദേഹം എന്നും ഗായത്രി കൂട്ടിച്ചേർത്തു. 95% ആളുകളെയും പോലെ അല്ല അദ്ദേഹം എന്നതിനർത്ഥം അദ്ദേഹം ഫേക്ക് ആണ് എന്നല്ല എന്നും ഗായത്രി സുരേഷ് കൂട്ടിച്ചേർത്തു. നിരവധി ആളുകളാണ് ഇപ്പോൾ താരത്തെ അഭിനന്ദിച്ചുകൊണ്ട് രംഗത്തെത്തുന്നത്. എന്നിരുന്നാലും, ഷോയിൽ നിന്നും പുറത്തായ റോബിനെ സ്വീകരിക്കാൻ ആയിരക്കണക്കിന് ആരാധകരാണ് തിരുവനന്തപുരം എയർപോർട്ടിൽ തടിച്ചുകൂടിയത്.