മുൻ ജാർഖണ്ഡ് മുഖ്യമന്ത്രി രഘുബർ ദാസിന് 66 വയസ്സ്: സംസ്ഥാനത്തെ ആദ്യ ആദിവാസി ഇതര മുഖ്യമന്ത്രിയെക്കുറിച്ച് കൂടുതൽ അറിയാം

റാഞ്ചി: ജാർഖണ്ഡിന്റെ ആറാമത്തെ മുഖ്യമന്ത്രിയായി സേവനമനുഷ്ഠിച്ച രാഷ്ട്രീയ നേതാവാണ് രഘുബർ ദാസ്. 2014 ഡിസംബർ 28-നാണ് അദ്ദേഹം ജാർഖണ്ഡിന്റെ ആറാമത്തെ മുഖ്യമന്ത്രിയായി സത്യപ്രതിജ്ഞ ചെയ്തത്. ഭാരതീയ ജനതാ പാർട്ടി നേതാവായ അദ്ദേഹം രണ്ട് തവണ ജാർഖണ്ഡ് ബിജെപിയുടെ പ്രസിഡന്റായി സേവനമനുഷ്ഠിച്ചിട്ടുണ്ട്. നിലവിൽ ബിജെപി ദേശീയ വൈസ് പ്രസിഡന്റാണ്.

ജാർഖണ്ഡിന്റെ മുൻ മുഖ്യമന്ത്രിക്ക് ഈ വർഷം 66 വയസ്സ് തികയുമ്പോൾ, അദ്ദേഹത്തെ കുറിച്ച് കൂടുതൽ അറിയാം

രഘുബർ ദാസിന്റെ ആദ്യകാല ജീവിതം:

രാജ്നന്ദ്ഗാവിൽ സ്റ്റീൽ കമ്പനിയിലെ തൊഴിലാളിയായ ചവാൻ റാമിന്റെ മകനായി 1955 മെയ് 3 നാണ് രഘുബർ ദാസ് ജനിച്ചത്. ഭലുബാസ ഹരിജൻ ഹൈസ്‌കൂളിൽ നിന്ന് മെട്രിക്കുലേഷൻ പാസായ അദ്ദേഹം ജംഷഡ്പൂർ കോഓപ്പറേറ്റീവ് കോളേജിൽ നിന്ന് ബിഎസ്‌സി പൂർത്തിയാക്കി. അതേ കോളേജിൽ നിന്ന് എൽഎൽബി ബിരുദവും നേടി. പഠനത്തിന് ശേഷം ടാറ്റ സ്റ്റീലിൽ നിയമവിദഗ്ധനായി ചേർന്നു.

‘കോഹിനൂർ’ ബ്രാൻഡ് സ്വന്തമാക്കാൻ ഒരുങ്ങി അദാനി വിൽമർ ലിമിറ്റഡ്

രഘുബർ ദാസിന്റെ രാഷ്ട്രീയ ജീവിതം:

ആർഎസ്എസ് പ്രവർത്തകനായിരുന്ന രഘുബർ ദാസ് കോളേജ് കാലം മുതൽ തന്നെ രാഷ്ട്രീയത്തിൽ സജീവമായിരുന്നു. ജയപ്രകാശ് നാരായൺ നയിച്ച സമ്പൂർണ വിപ്ലവ പ്രസ്ഥാനത്തിൽ പങ്കെടുത്ത അദ്ദേഹത്തെ അറസ്റ്റ് ചെയ്ത് ഗയയിലെ തടവിൽ അടച്ചു. ഇന്ദിരാഗാന്ധി ഏർപ്പെടുത്തിയ അടിയന്തരാവസ്ഥക്കാലത്ത് രഘുബർ ദാസ് വീണ്ടും ജയിലിൽ അടയ്ക്കപ്പെട്ടു. തുടർന്ന് ദാസ് 1977ൽ ജനതാ പാർട്ടിയിൽ ചേർന്നു.

1980ൽ ഭാരതീയ ജനതാ പാർട്ടിയിൽ സ്ഥാപക അംഗമായി ചേർന്ന അദ്ദേഹം പിന്നീട്, ജംഷഡ്പൂരിലെ സീതാറാംദേരയുടെ യൂണിറ്റ് മേധാവിയായി നിയമിക്കപ്പെട്ടു. പിന്നീട് സിറ്റി ചീഫ് സെക്രട്ടറിയായും ജംഷഡ്പൂർ വൈസ് പ്രസിഡന്റായും പ്രവർത്തിച്ചു. ബിജെപി സെക്രട്ടറിയും തുടർന്ന് വൈസ് പ്രസിഡന്റുമായി.

കാസർഗോട്ട് ഷവർമ കഴിച്ചു ചികിത്സയിലുള്ള 4 കുട്ടികൾക്ക് ഷിഗെല്ല വൈറസ് ബാധ!

തുടർന്ന് 1995ൽ ജംഷഡ്പൂർ ഈസ്റ്റിൽ നിന്ന് ബീഹാർ നിയമസഭാംഗമായി തിരഞ്ഞെടുക്കപ്പെട്ട രഘുബർ ദാസ് അഞ്ചു തവണ അതേ മണ്ഡലത്തിൽ നിന്ന് വീണ്ടും വിജയിച്ചു. 2004-ൽ ജാർഖണ്ഡിൽ ബിജെപിയുടെ തലവനായി അദ്ദേഹം നിയമിതനായി. 2005ലെ ജാർഖണ്ഡ് നിയമസഭാ തിരഞ്ഞെടുപ്പിൽ ബിജെപി 30 സീറ്റുകൾ നേടി. 2005ൽ അർജുൻ മുണ്ട മുഖ്യമന്ത്രിയായിരിക്കെ എൻഡിഎ സർക്കാരിന്റെ കാലത്ത് നഗരവികസന മന്ത്രിയായും അദ്ദേഹം സേവനമനുഷ്ഠിച്ചു. 2009 ലെ ഇന്ത്യൻ പൊതു തെരഞ്ഞെടുപ്പിലും അദ്ദേഹം സംസ്ഥാനത്ത് നേതൃത്വം നൽകി.

ഷിബു സോറൻ മുഖ്യമന്ത്രിയായിരുന്നപ്പോൾ 2009 ഡിസംബർ 30 മുതൽ 2010 മെയ് 29 വരെ അദ്ദേഹം ജാർഖണ്ഡ് സംസ്ഥാനത്തിന്റെ ഉപമുഖ്യമന്ത്രിയായിരുന്നു. 2014 ഓഗസ്റ്റ് 16 ന് ബിജെപിയുടെ ദേശീയ കമ്മിറ്റിയിൽ വൈസ് പ്രസിഡന്റായും അദ്ദേഹം നിയമിതനായി. 2014ലെ ജാർഖണ്ഡ് നിയമസഭാ തിരഞ്ഞെടുപ്പിൽ ബിജെപി ഭൂരിപക്ഷം നേടിയപ്പോൾ, അദ്ദേഹം സംസ്ഥാനത്തെ ആറാമത്തെയും ആദ്യ ആദിവാസി ഇതര മുഖ്യമന്ത്രിയുമായി ചുമതലയേറ്റു.