വിവാഹ വാഗ്ദാനം നൽകി പീഡിപ്പിച്ചു : പ്രതി അറസ്റ്റിൽ

ശാസ്താംകോട്ട: വിവാഹ വാഗ്ദാനം നൽകി യുവതിയെ വിവിധ സ്ഥലങ്ങളിൽ വെച്ച് പീഡിപ്പിച്ച കേസിൽ വിദേശത്ത് ഒളിവിലായിരുന്ന പ്രതി പിടിയിൽ. ശൂരനാട് തെക്ക് തൃക്കുന്നപ്പുഴ വടക്ക് ഇടവന ഭവനത്തിൽ മിഥുൻ ജോൺസൺ (31) ആണ് കഴിഞ്ഞ ദിവസം ഹൈദരാബാദ് വിമാനത്താവളത്തിൽ നിന്ന് പിടിയിലായത്.

വിവാഹവാഗ്ദാനം നൽകി മൂന്നുവര്‍ഷമായി ഇയാൾ ശൂനരാട് സ്വദേശിയായ യുവതിയെ ബലാത്സംഗം ചെയ്തെന്നായിരുന്നു പരാതി. വിദേശത്തും നാട്ടിലും വെച്ചായിരുന്നു പീഡനം. യുവതി അറിയാതെ മറ്റൊരു പെൺകുട്ടിയുമായി മിഥുന്‍റെ വിവാഹ നിശ്ചയവും ഇതിനിടെ നടന്നു. ഇത് മറച്ചു വെച്ചും ഇയാൾ വീണ്ടും ബന്ധം തുടർന്നു.

Read Also : ഒഎൻഡിസി: ഇ കൊമേഴ്സ് മേഖലയിൽ വിപ്ലവം സൃഷ്ടിക്കുന്നത് ഇങ്ങനെ

നിശ്ചയിച്ചുറപ്പിച്ച വിവാഹം വിദേശത്തുവെച്ച് നടത്താനും പ്രതി ശ്രമിച്ചു. ഇതറിഞ്ഞ യുവതി ശൂരനാട് പൊലീസിൽ പരാതി നൽകുകയായിരുന്നു. അറസ്റ്റിലായ പ്രതിയെ റിമാൻഡ് ചെയ്തു.