ചിങ്ങവനം: നിയന്ത്രണംവിട്ട ആംബുലൻസ് എതിർദിശയിൽ വന്ന ഓട്ടോറിക്ഷയിലും, മിനി ലോറിയിലും ഇടിച്ച് ആംബുലൻസ് ഡ്രൈവർക്ക് പരിക്കേറ്റു. കൊല്ലാട്, ഏയ്ഞ്ചൽ സർവീസിലെ മിനി ആംബുലൻസാണ് അപകടത്തിൽ പെട്ടത്.
ഇന്നലെ രാവിലെ എട്ടിനു ചിങ്ങവനം -പരുത്തുംപാറ റോഡിൽ വില്ലേജ് ഓഫീസിനു സമീപമാണ് അപകടം നടന്നത്. ചിങ്ങവനം ഭാഗത്തു നിന്ന് അമിതവേഗതയിൽ എത്തിയ ആംബുലൻസ് എതിർദിശയിൽ നിന്നു വന്ന ഓട്ടോറിക്ഷയിൽ തട്ടി നിയന്ത്രണം തെറ്റി മിനി ലോറിയിലേക്ക് ഇടിച്ചു കയറിയാണ് അപകടമുണ്ടായത്.
Read Also : അന്തം വിട്ട് വിദ്യാർത്ഥികൾ: ചോദ്യപേപ്പറിനു പകരം ഉത്തരപേപ്പർ നൽകി കേരള സര്‍വകലാശാല മാതൃകയായി
അപകടത്തിൽ മുൻവശം പൂർണമായി തകർന്ന ആംബുലൻസിൽ നിന്നു ഡ്രൈവറെ നാട്ടുകാർ ഡോർ വെട്ടി പൊളിച്ചാണ് പുറത്തെടുത്തത്. ഇടിയുടെ ആഘാതത്തിൽ മിനി ലോറി‍യുടെ ഇന്ധന ടാങ്ക് പൊട്ടി ഡീസൽ റോഡിലേക്കൊഴുകി.
സംഭവത്തെ തുടർന്ന്, കോട്ടയത്തു നിന്നുമെത്തിയ ഫയർഫോഴ്സ് സംഘം വാഹനങ്ങൾ റോഡരികിലേക്ക് മാറ്റി ഗതാഗത തടസം നീക്കി. ചിങ്ങവനം പൊലീസ് സംഭവ സ്ഥലത്തെത്തി മേൽനടപടികൾ സ്വീകരിച്ചു.
Post Your Comments