റാസൽഖൈമ: ലൈറ്റ് തെളിച്ചും ഹോൺ അടിച്ചും മുന്നിലെ വാഹനങ്ങളെ വഴി മാറാൻ നിർബന്ധിപ്പിച്ചാൽ പിഴ ചുമത്തുമെന്ന് മുന്നറിയിപ്പ് നൽകി റാസൽഖൈമ പോലീസ്. 400 ദിർഹമാണ് ഇത്തരക്കാർക്ക് പിഴ ചുമത്തുന്നത്. മുന്നിലെ വാഹനങ്ങളുമായി സുരക്ഷിത അകലം പാലിക്കാത്ത ഡ്രൈവിങ് ഗുരുതര അപകടങ്ങൾക്കു കാരണമാകുന്ന സാഹചര്യം കണക്കിലെടുത്താണ് നടപടി.
മറ്റു ഡ്രൈവർമാരോട് ലെയ്ൻ മാറാൻ ഇതേരീതിയിൽ സമ്മർദം ചെലുത്തിയാലും 400 ദിർഹം പിഴ ചുമത്തും. ഇതിനു പുറമേ 4 ബ്ലാക്ക് പോയിന്റും ലഭിക്കും. വാഹനം വേഗംകുറച്ച് ഓടിക്കുന്നവർ വലതുവശത്തെ ലെയ്‌നുകൾ ഉപയോഗിക്കണം. അപകടങ്ങൾ ഒഴിവാക്കാൻ ഗതാഗത നിയമങ്ങൾ കർശനമായി പാലിക്കണമെന്നും അധികൃതർ നിർദ്ദേശിച്ചു.
Post Your Comments