കൊച്ചി: വ്യാജവാറ്റു കേന്ദ്രം നടത്തിയിരുന്ന സംഘത്തിലെ പ്രധാനി അറസ്റ്റില്‍. കുട്ടമ്പുഴ കൂവപ്പാറ സ്വദേശിയായ എല്‍ദോസി (സജി 50) നെയാണ് കുട്ടമ്പുഴ പൊലീസ് പിടികൂടിയത്.
മാപ്പാനി വനത്തില്‍ വന്‍വാറ്റുകേന്ദ്രം നടത്തിവരുന്നതായി ലഭിച്ച രഹസ്യ വിവരത്തെ തുടര്‍ന്ന്, നടത്തിയ പരിശോധനയിലാണ് വാറ്റുകേന്ദ്രം കണ്ടെത്തിയത്. പതിനെട്ട് ലിറ്റര്‍ ചാരായവും വാറ്റുപകരണങ്ങളും സഹിതമാണ് ഇയാളെ പിടികൂടിയത്. സംഘത്തിലെ കൂട്ടാളികളായ രണ്ട് പേര്‍ ഓടി രക്ഷപ്പെട്ടു.
Read Also : തൽക്കാലം നിർത്തുന്നു: സത്യാഗ്രഹ സമരം അ‌വസാനിപ്പിച്ച് കെ.എസ്.ഇ.ബി.
കുട്ടമ്പുഴ പൊലീസ് ഇന്‍സ്‌പെക്ടര്‍ കെ എം മഹേഷ് കുമാര്‍, സബ്ബ് ഇന്‍സ്‌പെക്ടര്‍ ജോര്‍ജ്ജ്. അസിസ്റ്റന്റ് സബ്ബ് ഇന്‍സ്‌പെക്ടര്‍മാരായ അജികുമാര്‍, അനില്‍കുമാര്‍, അജിമോന്‍, സീനിയര്‍ സിവില്‍ പൊലീസ് ഓഫീസര്‍മാരായ ജോളി, സുബാഷ്, ബോണി എന്നിവര്‍ ചേര്‍ന്നാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments