പുറത്തിറങ്ങാനിരിക്കുന്ന മോട്ടറോള എഡ്ജ് 30 ന്റെ സവിശേഷതകൾ ചോർന്നു: എന്തൊക്കെയെന്ന് നോക്കാം

മോട്ടറോള തന്റെ എഡ്ജ് സീരിസ് വിപുലീകരിക്കാനുള്ള നീക്കത്തിലാണ്. എഡ്ജ് 30 ലൈറ്റ്, എഡ്ജ് 30 ഉള്‍പ്പെടെ എഡ്ജ് സീരിസിന് കീഴില്‍ വരുന്ന മൂന്ന് ഫോണുകള്‍ കൂടി അവതരിപ്പിക്കുമെന്നാണ് ലെനോവോയുടെ ഉടമസ്ഥതയിലുള്ള കമ്പനിയുടെ റിപ്പോര്‍ട്ട്. ഈ മൂന്ന് ഫോണുകളില്‍ എഡ്ജ് 30 വേഗം പുറത്തിറങ്ങിയേക്കാം. പുറത്തിറങ്ങാനിരിക്കുന്ന സ്മാര്‍ട്ട് ഫോണിന്റെ സവിഷേതകള്‍ ലോഞ്ചിന് മുമ്പ് തന്നെ ചോര്‍ന്നു. നേരത്തെ മോട്ടറോള എഡ്ജ് 30 ഇന്ത്യയില്‍ ലോഞ്ച് ചെയ്തിരുന്നു. ക്വാല്‍കോമിന്റെ ഫ്‌ളാഗ്ഷിപ്പ് പ്രോസസറായ സ്‌നാപ്ഡ്രാഗണ്‍ 8 ജെന്‍ 1 ഉപയോഗിച്ചാണ് സ്മാര്‍ട്ട്‌ഫോണ്‍ ഇറങ്ങിയത്. ഇന്ത്യയിലെ ഏറ്റവും വില കുറഞ്ഞ ഫ്‌ളാഗ്ഷിപ്പ് ഉപകരണമായാണ് ഈ ഫോണ്‍ അറിയപ്പെടുന്നത്.

Also Read:മ​ല​പ്പു​റ​ത്ത് ര​ണ്ടി​ട​ത്ത് കു​ഴ​ൽ​പ്പ​ണവേട്ട : 1.08 കോ​ടി രൂ​പ​ പിടിച്ചെടുത്തു

മോട്ടറോള എഡ്ജ് 30, എഡ്ജ് 30 പ്രോയേക്കാള്‍ പ്രീമിയം കുറവായിരിക്കുമെന്നാണ് പ്രതീക്ഷിക്കുന്നത്. എഡ്ജ് 20 പ്രോയ്‌ക്കൊപ്പം പുറത്തിറങ്ങിയ എഡ്ജ് 20യുടെ പിന്‍ഗാമിയായിരിക്കും എഡ്ജ് 30. ടിപ്സ്റ്റര്‍ യോഗേഷ് ബ്രാര്‍ പറയുന്നതനുസരിച്ച് മോട്ടറോള എഡ്ജ് 30 സ്‌നാപ്ഡ്രാഗണ്‍ ക്വാല്‍കോം 778+ കൂടാതെ 8 ജിബി വരെ റാമും, അതിനൊപ്പം തന്നെ ഒരു മിഡ് റേഞ്ച് പ്രോസസറുമായാണ് വരുന്നത്. ക്യാമറ വിഭാഗത്തില്‍, മോട്ടറോള എഡ്ജ് 30-ല്‍ 50-മെഗാപിക്‌സല്‍ ക്യാമറയും 50-മെഗാപിക്‌സല്‍ അള്‍ട്രാവൈഡ് ലെന്‍സും 2-മെഗാപിക്‌സല്‍ ഡെപ്ത് അസിസ്റ്റ് ലെന്‍സും ഫീച്ചര്‍ ചെയ്യുമെന്ന് കരുതുന്നു. സെല്‍ഫികള്‍ക്കായി മുന്‍വശത്ത് 32 മെഗാപിക്‌സല്‍ ലെന്‍സുണ്ട്. എഡ്ജ് 30-ല്‍ ഫുള്‍ എച്ച്ഡി+ റെസല്യൂഷനോടുകൂടിയ 6.55 ഇഞ്ച് പി-ഒഎല്‍ഇഡി പാനല്‍ ഫീച്ചര്‍ ചെയ്യുന്ന ഈ ഫോണ്‍ 144 ഹെര്‍ട്സിനെ പിന്തുണയ്ക്കും. 30W ഫാസ്റ്റ് ചാര്‍ജിങിനെ പിന്തുണയ്ക്കുന്ന 4,020 mAH ബാറ്ററിയാണ് പ്രതീക്ഷിക്കുന്നത്. 6 GB / 8 GB LPDDR4x റാമും 128 GB / 256 GB സ്റ്റോറേജും ഈ ഉപകരണത്തില്‍ സജ്ജീകരിച്ചിട്ടുണ്ട്.

മോട്ടറോള എഡ്ജ് 30 അള്‍ട്രാ അവതരിപ്പിക്കാന്‍ പദ്ധതിയിടുകയാണ് കമ്പനി. ഈ സ്മാര്‍ട്ട്‌ഫോണ്‍ ഫ്രോണ്ടിയര്‍ എന്ന കോഡ് നാമത്തില്‍ ഉടന്‍ ലോഞ്ച് ചെയ്യുമെന്ന് പ്രതീക്ഷിക്കുന്നു. മോട്ടറോള ഫ്രോണ്ടിയര്‍ 22ല്‍ ഫുള്‍ എച്ച്ഡി+ റെസല്യൂഷനോടുകൂടിയ 6.67 ഇഞ്ച് ഒഎല്‍ഇഡി ഡിസ്‌പ്ലേ ഉണ്ടായിരിക്കുമെന്നാണ് റിപ്പോര്‍ട്ട്. സ്മാര്‍ട്ട്ഫോൺ Qualcomm Snapdragon 8 Gen 1ഉം 12 GB വരെ LPDDRS റാമും 256 GB UFS 3.1 മെമ്മറിയും ഉണ്ടായിരിക്കുമെന്ന് പറയുന്നു. ആന്‍ഡ്രോയിഡ് 12 ഔട്ട് ഓഫ് ബോക്‌സിലാണ് സ്മാര്‍ട്ട്‌ഫോണ്‍ പ്രവര്‍ത്തിക്കുന്നത്. 125W ഫാസ്റ്റ് ചാര്‍ജിങിന് അനുയോജ്യമായ 4500 mAh ബാറ്ററിയാണ് ഇതിന് നല്‍കിയിരിക്കുന്നത്.