പാലാ: പേര്‍ഷ്യന്‍ പൂച്ചകളെ മോഷ്ടിച്ച കേസില്‍ പ്രതി അറസ്റ്റിൽ. പൊലീസ് അറസ്റ്റ് ചെയ്തു. ഇടുക്കി കാര്‍കൂന്തല്‍ സ്വദേശി കളത്തൂര്‍ ലിജോ തങ്കച്ചനെയാണ് (35) അറസ്റ്റ് ചെയ്തത്. പാലാ എസ്.എച്ച്‌.ഒ കെ.പി. ടോംസണ്‍ ആണ് പ്രതിയെ അറസ്റ്റ് ചെയ്തത്.
നഗരത്തിലെ ‘പച്ചാത്തോട് പെറ്റ്സ് പാര്‍ക്ക്‌’ സ്ഥാപനത്തില്‍ നിന്ന് കഴിഞ്ഞമാസം രാത്രി കടതുറന്ന്‌ പേര്‍ഷ്യന്‍ ഇനത്തില്‍പ്പെട്ട 27,000 രൂപ വിലവരുന്ന മൂന്ന് പൂച്ചകളെയാണ് ഇയാൾ മോഷ്ടിച്ചത്. സംഭവദിവസം രാത്രി 10.45-ന് കടക്കുള്ളില്‍ കയറി പൂച്ചകളെ മോഷ്ടിച്ച്‌ മുണ്ടിനുള്ളിലാക്കി പുറത്തുപോകുന്ന ദൃശ്യം കാമറയില്‍ പതിഞ്ഞിരുന്നു. തുടര്‍ന്ന് നടത്തിയ അന്വേഷണത്തിലാണ് പ്രതി പിടിയിലായത്.
എസ്.ഐ അഭിലാഷ് എം.ടി, എ.എസ്.ഐ ബിജു കെ.തോമസ്, സീനിയര്‍ സിവില്‍ പൊലീസ് ഓഫിസര്‍ ഷെറിന്‍ സ്റ്റീഫന്‍, സി.പി.ഒ രഞ്ജിത് എന്നിവര്‍ ചേര്‍ന്നാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.
Post Your Comments