അടൂര്‍: പ്രായപൂര്‍ത്തിയാകാത്ത പെണ്‍കുട്ടിയുടെ നഗ്നവീഡിയോ സമൂഹമാധ്യമങ്ങള്‍ വഴി പ്രചരിപ്പിച്ച കേസിൽ രണ്ടുപേർ അറസ്റ്റിൽ. ഒരു പ്രായപൂര്‍ത്തിയാകാത്തയാളെയും ഐക്കാട് നേടിയമരത്തിനാല്‍ ആര്‍. രാഹുലിനെയുമാണ് (18) അറസ്റ്റ് ചെയ്തത്. അടൂര്‍ പൊലീസാണ് അറസ്റ്റ് ചെയ്തത്.
വാട്സ്‌ആപ് ഗ്രൂപ്പില്‍ പരിചയപ്പെട്ട് പെണ്‍കുട്ടിയെ ഭീഷണിപ്പെടുത്തി കൈക്കലാക്കിയ നഗ്നവീഡിയോ ഷെയര്‍ ചെയ്തത് സംബന്ധിച്ച്‌ പരാതി ലഭിച്ച പൊലീസ് പോക്സോ നിയമപ്രകാരം കേസ് രജിസ്റ്റര്‍ ചെയ്യുകയായിരുന്നു.
Read Also : ഇന്ത്യന്‍ പ്രതിരോധ സംവിധാനത്തിന് കൂടുതല്‍ കരുത്തേകി വ്യോമ വേധാ മിസൈല്‍ പരീക്ഷണം
അടൂര്‍ പൊലീസ് ഇന്‍സ്‌പെക്ടര്‍ ടി.ഡി. പ്രജീഷിന്‍റെ നേതൃത്വത്തിലുള്ള അന്വേഷണസംഘമാണ് ഇരുവരെയും അറസ്റ്റ് ചെയ്തത്. അടൂര്‍ ഡിവൈ.എസ്.പി ആര്‍. ബിനുവിന്‍റെ മേല്‍നോട്ടത്തില്‍ രൂപവത്കരിച്ച പ്രത്യേക അന്വേഷണ സംഘത്തില്‍ അടൂര്‍ എസ്.ഐ വിമല്‍ രംഗനാഥ്, ബിജു ജേക്കബ്, സിവില്‍ പൊലീസ് ഓഫിസര്‍മാരായ സൂരജ്, സുനില്‍, റോബി, ജോബിന്‍, സതീഷ്, രാജ്‌കുമാര്‍, വനിത സി.പി.ഒ അനൂപ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്. കോടതിയിൽ ഹാജരാക്കിയ രാഹുലിനെ റിമാന്‍ഡ് ചെയ്തു.
Post Your Comments