ദുബായ്: ഡെലിവറി ജീവനക്കാർക്ക് ലൈസൻസ് ലഭിക്കാനുള്ള പരിശീലന കാലാവധി വർധിപ്പിച്ചു. 20 മണിക്കൂറായാണ് പരിശീലന സമയം ഉയർത്തിയത്. രാത്രി 2 മണിക്കൂറെങ്കിലും പരിശീലനം പൂർത്തിയാക്കുകയും വേണമെന്നും നിർദ്ദേശമുണ്ട്. പരിശീലനത്തിന്റെ ഓരോ ഘട്ടവും കർശനമായി വിലയിരുത്തിയാകും ലൈസൻസ് നൽകുന്നതെന്നും അധികൃതർ വ്യക്തമാക്കി.
അപകടങ്ങൾ വർധിച്ച സാഹചര്യം കണക്കിലെടുത്താണ് നടപടി. തലയ്ക്കും താടിക്കും സംരക്ഷണം നൽകുന്ന ഹെൽമറ്റ്, കാൽ-കൈ മുട്ടുകളിൽ പാഡുകൾ, സേഫ്റ്റി ഷൂ എന്നിവ ഡെലിവറി ബോയ്‌സ് നിർബന്ധമായും ധരിക്കണമെന്നാണ് നിർദ്ദേശം. സ്പീഡ് ട്രാക്ക് ഉപയോഗിക്കുകയോ മണിക്കൂറിൽ 100 കിലോമീറ്ററിൽ കൂടുതൽ വേഗത്തിൽ പോകുകയോ ചെയ്യരുതെന്നും നിർദ്ദേശമുണ്ട്.
Post Your Comments