കോതമംഗലം: കെ.എസ്.ആര്‍.ടി.സി ബസും ബൈക്കും കൂട്ടിയിടിച്ചുണ്ടായ അപകടത്തിൽ പരിക്കേറ്റ ഫോറസ്റ്റ് വാച്ചര്‍ മരിച്ചു. തട്ടേക്കാട് പക്ഷിസങ്കേതത്തിലെ വാച്ചര്‍ ഞായപ്പിള്ളി കൊട്ടിശ്ശേരികുടിയില്‍ കെ.എം. മാണി (49) ആണ് മരിച്ചത്. കുട്ടമ്പുഴ സത്രപ്പടിയില്‍ മക്കപുഴ കോളനിക്ക് സമീപമാണ് അപകടമുണ്ടായത്.
തിങ്കളാഴ്ച്ച രാത്രി എട്ട് മണിയോടെയാണ് അപകടം നടന്നത്. കോതമംഗലത്തു നിന്നും പിണവൂര്‍കുടിയിലേക്ക് പോകുകയായിരുന്ന കെ.എസ്.ആര്‍.ടി.സി ബസും എതിര്‍ ദിശയില്‍ നിന്നും വന്ന ബൈക്കുമാണ് കൂട്ടിയിടിച്ചത്.
Read Also : ആരാണ് മരിച്ച ലക്ഷ്മിപ്രിയ? നിഗൂഢതയുള്ള യുവതിയെ കുറിച്ച് പൊലീസിനെ കുഴയ്ക്കി ചോദ്യങ്ങള്‍
അപകടത്തിൽ പരിക്കേറ്റ മാണിയെ കുട്ടമ്പുഴ പൊലീസും നാട്ടുകാരും ചേര്‍ന്നാണ് കോതമംഗലത്തെ സ്വകാര്യ ആശുപത്രിയില്‍ പ്രവേശിപ്പിച്ചത്.
വിദഗ്ധ ചികിത്സയ്ക്കായി തൃശൂര്‍ മെഡിക്കല്‍ കോളജില്‍ എത്തിച്ചെങ്കിലും ചൊവ്വാഴ്ച്ച രാവിലെ മരണപ്പെടുകയായിരുന്നു. സംസ്കാരം ബുധനാഴ്ച്ച തട്ടേക്കാട് സെന്റ് മേരിസ് പള്ളിയില്‍ നടക്കും.
Post Your Comments