പാണ്ടിക്കാട്: ദളിത് ബാലികയെ പീഡിപ്പിക്കാൻ ശ്രമിച്ച കേസിലെ പ്രതിയായ മധ്യവയസ്കൻ അറസ്റ്റിൽ. ചെമ്പ്രശ്ശേരി കാളമ്പാറയിലെ ആറുവിരലൻ ജബ്ബാറിനെയാണ് (55) അറസ്റ്റ് ചെയ്തത്.
ഫെബ്രുവരിയിലാണ് കേസിനാസ്പദമായ സംഭവം. പുളിവെണ്ട നൽകാമെന്ന് പറഞ്ഞ് ഒമ്പതു വയസ്സുകാരിയെ വീട്ടിൽ വിളിച്ചുവരുത്തി പീഡിപ്പിക്കാൻ ശ്രമിച്ചെന്നാണ് കേസ്.
പോക്സോ, എസ്.എസി, എസ്.ടി പ്രിവൻഷൻ ആക്ട് എന്നീ കുറ്റങ്ങളാണ് പ്രതിക്കെതിരെ ചുമത്തിയിട്ടുള്ളത്. പെരിന്തൽമണ്ണ ഡിവൈ.എസ്.പി സന്തോഷ്കുമാർ, പാണ്ടിക്കാട് സ്റ്റേഷൻ ഹൗസ് ഓഫീസർ കെ. റഫീഖ് എന്നിവരുടെ നേതൃത്വത്തിൽ എസ്.ഐ എ. അബ്ദുൽ സലാം, സി.പി.ഒമാരായ ഷമീർ കരുവാരക്കുണ്ട്, ഒ. ശശി, എ. ജയൻ, പി. ജിതിൻ, കെ. അസ്മ എന്നിവരടങ്ങുന്ന സംഘമാണ് അറസ്റ്റ് ചെയ്തത്. പെരിന്തൽമണ്ണ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments