ഡല്‍ഹി: തനിക്കെതിരെ കോണ്‍ഗ്രസ് പാര്‍ട്ടിക്ക് എന്ത് നടപടി വേണമെങ്കിലും സ്വീകരിക്കാമെന്ന് എഐസിസി ജനറല്‍ സെക്രട്ടറി കെസി വേണുഗോപാല്‍. തെരഞ്ഞെടുപ്പ് തോല്‍വിയില്‍ സംഘടനാ ജനറല്‍ സെക്രട്ടറിയുടെ പങ്ക് ചര്‍ച്ചയാകുന്നത് ആദ്യമാണെന്നും തന്നെ നീക്കുന്നതടക്കം കോണ്‍ഗ്രസ് അധ്യക്ഷ സോണിയ ഗാന്ധിക്ക് എന്തുനടപടിയും സ്വീകരിക്കാമെന്നും അദ്ദേഹം പറഞ്ഞു.
സ്ഥാനമാനങ്ങള്‍ എല്ലാ കാലത്തും ഒരുകൂട്ടര്‍ക്ക് അവകാശപ്പെട്ടതല്ലെന്ന് അദ്ദേഹം വ്യക്തമാക്കി. പാര്‍ട്ടിയ്ക്ക് ദയനീയ പരാജമുണ്ടായാല്‍ പ്രവര്‍ത്തകര്‍ക്ക് വിഷമമുണ്ടാകുമെന്നും അവര്‍ പലരീതിയില്‍ പ്രതികരിച്ചെന്നുവരുമെന്നും വേണുഗോപാൽ പറഞ്ഞു. താനതിനെ പോസിറ്റീവായാണ് കാണുന്നതെന്നും അദ്ദേഹം കൂട്ടിച്ചേർത്തു.
വിമര്‍ശനങ്ങള്‍ക്ക് അതീതനായ ആളല്ല താന്‍. കേരളത്തിലെ പ്രവര്‍ത്തകര്‍ക്ക് തന്നെ കുറിച്ച്‌ പറയാന്‍ അവകാശമുണ്ട്. തന്നെയല്ല വിമര്‍ശിക്കുന്നത്, താന്‍ വഹിക്കുന്ന പദവിയെയാണ് പ്രവർത്തകർ വിമര്‍ശിക്കുന്നത്. വിമര്‍ശനങ്ങളില്‍, കോണ്‍ഗ്രസ് നന്നായിക്കാണാന്‍ ആഗ്രഹിക്കുന്നവരുടെ നല്ല ചിന്താഗതിയാണ് താന്‍ കാണാന്‍ ആഗ്രഹിക്കുന്നത്,’ വേണുഗോപാൽ വ്യക്തമാക്കി.
Post Your Comments