ശ്രീനഗര്‍: കശ്മീരില്‍ ബിജെപി സര്‍പഞ്ചിനെ ഭീകരര്‍ വെടിവെച്ച് കൊലപ്പെടുത്തി. ഷബീര്‍ അഹമ്മദ് മിറിനെയാണ് ഭീകരസംഘം വെടിവെച്ച് കൊന്നത്. കുല്‍ഗാമിലെ ഔഡോറ മേഖലയിലെ സര്‍പഞ്ച് ആണ് ഇയാള്‍. വെള്ളിയാഴ്ച രാത്രി 8.50 ഓടെയാണ് ദാരുണ സംഭവം നടന്നത്.
Read Also : അനധികൃതമായി കടത്താന്‍ ശ്രമം : 1.80 കോടി രൂപയുടെ കുഴൽപ്പണവു‌മായി ദമ്പതികൾ പിടിയിൽ
വീടിന് സമീപത്ത് വെച്ചാണ് ഷബീറിന് നേരെ ആക്രമണം ഉണ്ടായത്. ആശുപത്രിയിലെത്തിക്കുമ്പോഴേക്കും മരിക്കുകയായിരുന്നു. ഇതോടെ ഈ വര്‍ഷം ഭീകരാക്രമണത്തില്‍ കൊല്ലപ്പെട്ട ഗ്രാമത്തലവന്‍മാരുടെ എണ്ണം മൂന്നായി.
കഴിഞ്ഞ ദിവസം സമാനമായ രീതിയില്‍ ഖന്‍മോഹ് ഗ്രാമത്തിലെ സര്‍പഞ്ചിനെ ഭീകരര്‍ കൊലപ്പെടുത്തിയിരുന്നു. സമീര്‍ അഹമ്മദ് ഭട്ട് എന്നയാളാണ് മാര്‍ച്ച് 9 ന് നടന്ന ഭീകരാക്രമണത്തില്‍ കൊല്ലപ്പെട്ടത്.
വാഹനങ്ങളില്‍ എത്തിയ ഭീകരരാണ് സമീറിന് നേരെ ആക്രമണം നടത്തിയത്. ഗുരുതരമായി പരിക്കേറ്റ അദ്ദേഹത്തെ ഉടനെ എസ്എംഎച്ച്എസ് ആശുപത്രിയില്‍ എത്തിച്ചെങ്കിലും ചികിത്സയിലിരിക്കെ മരിക്കുകയായിരുന്നു.
Post Your Comments