യോഗി ആദിത്യനാഥിനെ വെല്ലുവിളിച്ച് ഗോരഖ്പൂര്‍ അര്‍ബനില്‍ മത്സരിച്ച ചന്ദ്രശേഖര്‍ ആസാദ് രാവണിന് കെട്ടിവെച്ച തുക നഷ്ടമായി

ലക്‌നൗ: ഗോരഖ്പൂര്‍ അര്‍ബന്‍ അസംബ്ലി മണ്ഡലത്തില്‍ ബിജെപിയുടെ നിലവിലെ മുഖ്യമന്ത്രി യോഗി ആദിത്യനാഥിനെതിരെ മത്സരിച്ച ആസാദ് സമാജ് പാര്‍ട്ടിയുടെ (കാന്‍ഷി റാം) സ്ഥാനാര്‍ത്ഥി ചന്ദ്രശേഖര്‍ ആസാദ് രാവണ്‍ രാവണന് കെട്ടിവെച്ച തുക നഷ്ടമായി. യോഗി ആദിത്യനാഥിനെ വെല്ലുവിളിച്ചാണ് ചന്ദ്രശേഖര്‍ ആസാദ് അദ്ദേഹത്തിനെതിരെ മത്സരിച്ചത്.

Read Also : ഇന്ത്യയില്‍ കമ്യൂണിസ്റ്റ് പാര്‍ട്ടി നാമാവശേഷമാകുന്നുവെന്ന് തെളിവ്

അതേസമയം, മുഖ്യമന്ത്രി യോഗി ആദിത്യനാഥിന് ഒരു ലക്ഷത്തിലധികം വോട്ടുകളാണ് മണ്ഡലത്തില്‍ നിന്ന് ലഭിച്ചത്. 1,64,290 വോട്ടുകളാണ് അദ്ദേഹത്തിന് ലഭിച്ചത്. എന്നാല്‍, ചന്ദ്രശേഖര്‍ ആസാദ് രാവണന് 7,454 വോട്ടുകള്‍ മാത്രമേ ലഭിച്ചുളളൂ. ഇത് പോള്‍ ചെയ്ത മൊത്തം വോട്ടുകളുടെ 3% മാത്രമാണ്.

മുഖ്യമന്ത്രി യോഗി ആദിത്യനാഥിനെതിരെ മത്സരിക്കുമെന്ന് പ്രഖ്യാപിച്ച്, ഭീം ആര്‍മി നേതാവ് ചന്ദ്രശേഖര്‍ ആസാദ് രാവണ്‍ ശ്രദ്ധ നേടിയിരുന്നു. എന്നാല്‍ തെരഞ്ഞെടുപ്പില്‍ ഒരു ചലനവും ഉണ്ടാക്കാന്‍ ചന്ദ്രശേഖറിന് കഴിഞ്ഞില്ല. അദ്ദേഹത്തിന്റെ സ്ഥാനഭ്രംശം നഷ്ടപ്പെടുത്താന്‍ അദ്ദേഹത്തിന് കഴിഞ്ഞു. ഗോരഖ്പുര്‍ അര്‍ബനില്‍ എസ്പി സ്ഥാനാര്‍ത്ഥി സുബപതി ശുക്ലയാണ് രണ്ടാം സ്ഥാനത്ത് എത്തിയിരിക്കുന്നത്. ചന്ദ്രശേഖര്‍ ആസാദ് മൂന്നാം സ്ഥാനത്തായിരുന്നെങ്കിലും കെട്ടിവെച്ച തുക നഷ്ടമായെന്നാണ് പുറത്തുവന്നിരിക്കുന്ന റിപ്പോര്‍ട്ട്.

ചട്ടം അനുസരിച്ച്, 1/6-ല്‍ താഴെ വോട്ട് ലഭിക്കുന്ന സ്ഥാനാര്‍ത്ഥികള്‍ക്ക്, അതായത് 16.67% വോട്ടുകളുടെ കുറവ് വന്നാല്‍ അവരുടെ കെട്ടിവെച്ച തുക നഷ്ടപ്പെടും. ഇതനുസരിച്ച്, നിയമസഭാ തെരഞ്ഞെടുപ്പില്‍ ഗോരഖ്പൂര്‍ അര്‍ബന്‍ സീറ്റില്‍ നിന്ന് മത്സരിച്ച ചന്ദ്രശേഖര്‍ ആസാദിന് കെട്ടിവെച്ച തുക നഷ്ടമാകുകയായിരുന്നു.

മുഖ്യമന്ത്രി യോഗി ആദിത്യനാഥിനെതിരെ, ആസാദ് സമാജ് പാര്‍ട്ടി ടിക്കറ്റില്‍ മത്സരിക്കുമെന്ന് ചന്ദ്രശേഖര്‍ ആസാദ് പ്രഖ്യാപിച്ചതിന് പിന്നാലെ അഭിമുഖങ്ങളില്‍ അദ്ദേഹം വലിയ അവകാശവാദങ്ങള്‍ ഉന്നയിച്ചിരുന്നു. യുപിയില്‍ 403 സീറ്റുകളിലാണ് തങ്ങളുടെ മുന്നണി മത്സരിക്കുന്നതെന്നും യുപിയില്‍ ആസാദ് സമാജ് പാര്‍ട്ടി വലിയ ശക്തിയായി മാറുമെന്നും തങ്ങളില്ലാതെ സര്‍ക്കാര്‍ രൂപീകരിക്കില്ലെന്നും വിശ്വാസമുണ്ടെന്നും വോട്ടെടുപ്പിനിടെ ചന്ദ്രശേഖര്‍ പറഞ്ഞിരുന്നു.