കോട്ടയം: മണിപ്പുഴയിൽ ഓട്ടോറിക്ഷയും ബൈക്കും കൂട്ടിയിടിച്ചുണ്ടായ അപകടത്തിൽ യുവാക്കൾക്ക് പരിക്ക്. കരുനാഗപ്പള്ളി സ്വദേശികളായ രണ്ടു യുവാക്കൾക്കാണ് പരിക്കേറ്റത്.
ശനിയാഴ്ച രാത്രി 9.30-ന് മണിപ്പുഴ പുരയ്ക്കൽ ഹോണ്ടയ്ക്കു സമീപമുള്ള പെട്രോൾ പമ്പിന് മുന്നിലായിരുന്നു അപകടം. കോട്ടയത്തു നിന്നും കരുനാഗപ്പള്ളിക്ക് പോകുകയായിരുന്ന ബൈക്കാണ് അപകടത്തിൽപ്പെട്ടത്. മണിപ്പുഴയിലെ പെട്രോൾ പമ്പിൽ നിന്നും പെട്രോൾ അടിച്ചശേഷം പുറത്തേക്കിറങ്ങിയ ഓട്ടോറിക്ഷയിൽ ബൈക്ക് വന്ന് ഇടിക്കുകയായിരുന്നു.
Read Also : ബ്രേക്ക്ഫാസ്റ്റിന് റാഗി ഉപ്പുമാവ്‌ തയ്യാറാക്കാം
തുടർന്ന്, ബൈക്ക് യാത്രക്കാരായ യുവാക്കൾ ഇരുവരും തെറിച്ച് വീണു. പരിക്കേറ്റ ഇവരെ ജില്ലാ ജനറൽ ആശുപത്രിയിൽ പ്രവേശിപ്പിച്ചു. ഇവരുടെ പരിക്ക് ഗുരുതരമല്ലെന്നാണ് ലഭിക്കുന്ന വിവരം.
Post Your Comments