പോലീസിനെതിരെ അസഭ്യം: കൊടിക്കുന്നില്‍ സുരേഷ് എംപിക്കെതിരെ കേസ്

തിരുവനന്തപുരം: കെ. റെയിൽ സര്‍വേയ്‌ക്കെത്തിയ ഉദ്യോഗസ്ഥരെയും, പോലീസുകാരെയും അസഭ്യം പറഞ്ഞതിന് കൊടിക്കുന്നില്‍ സുരേഷ് എം.പിക്കെതിരെ കേസെടുത്ത് പോലീസ്. ജാമ്യമില്ലാ വകുപ്പുകൾ അടക്കം ചുമത്തിയാണ് കേസെടുത്തിരിക്കുന്നത്.

ചെങ്ങന്നൂർ മുളക്കുഴയിൽ കഴിഞ്ഞ ദിവസമായിരുന്നു സംഭവം നടന്നത്. കുറച്ച് ദിവസമായി സിൽവർ ലൈൻ പദ്ധതിക്കായി റവന്യൂ വകുപ്പ് ഉദ്യോഗസ്ഥരുടെ നേതൃത്വത്തിൽ ഇവിടെ സർവ്വേ നടക്കുകയാണ്. ഇതിനെതിരെ പ്രദേശവാസികൾ ശക്തമായ പ്രതിഷേധവുമായി രംഗത്തുണ്ട്.

Read Also  :  കഴിഞ്ഞ ബജറ്റിൽ വികസന പദ്ധതികൾക്കായി വകയിരുത്തിയ 13652.82 കോടി ചിലവഴിക്കാതെ സർക്കാർ

പോലീസ് പ്രതിഷേധക്കാരെ ക്രൂരമായി നേരിട്ടപ്പോൾ നാടൻ ഭാഷയിൽ സംസാരിക്കേണ്ടി വന്നുവെന്നാണ് സംഭവത്തെക്കുറിച്ചുള്ള എംപിയുടെ വിശദീകരണം. അതേസമയം, കെ റെയിൽ കല്ലിടലിനെതിരെ തുടർച്ചയായ മൂന്നാം ദിവസവും മുളക്കുഴ മേഖലയിൽ ശക്തമായ പ്രതിഷേധമാണ് ഉണ്ടായത്. ബിജെപി ആലപ്പുഴ ജില്ലാ പ്രസിഡന്റിന്റെ നേതൃത്വത്തിൽ സ‍ർവ്വേ കല്ലിടുന്നത് തടഞ്ഞു.ഇതേ തുട‍‍ർന്ന് പോലീസും ബിജെപി പ്രവർത്തകരും തമ്മിൽ സംഘർഷം ഉണ്ടായി. ബിജെപി പ്രവ‍ർത്തകരെ പിന്നീട് പോലീസ് നീക്കി.