അജ്മാൻ: റോഡുകളിലെ ട്രാഫിക് നിയമ ലംഘനങ്ങൾ കണ്ടെത്തുന്നതിനായി സ്മാർട്ട് ഗേറ്റ് സംവിധാനങ്ങൾ സ്ഥാപിച്ചതായി അജ്മാൻ പോലീസ്. നിർമ്മിത ബുദ്ധിയുടെ സഹായത്താൽ പ്രവർത്തിക്കുന്ന സ്മാർട്ട് ഗേറ്റ് സംവിധാനമാണ് അജ്മാനിൽ സ്ഥാപിച്ചിട്ടുള്ളത്. അടിയന്തിര ഘട്ടങ്ങളോട് കൂടുതൽ വേഗത്തിൽ പ്രതികരിക്കുന്നതിന് ഈ സ്മാർട്ട് ഗേറ്റ് പോലീസിനെ സഹായിക്കും.
സേഫ് സിറ്റി ഗ്രൂപ്പുമായി ചേർന്നാണ് അജ്മാൻ പോലീസ് ഈ സംവിധാനം പ്രവർത്തനക്ഷമമാക്കിയിട്ടുള്ളത്. ഇതിനായുള്ള കരാറിൽ അജ്മാൻ പോലീസ് കമാണ്ടർ ഇൻ ചീഫ് മേജർ ജനറൽ ശൈഖ് സുൽത്താൻ ബിൻ അബ്ദുല്ല അൽ നുഐമിയും, സേഫ് സിറ്റി ഗ്രൂപ്പ് സിഇഒ അലി മൊഹ്സീൻ അൽ മാമരി എന്നിവർ ചേർന്നാണ് ഒപ്പ് വെച്ചത്.
Post Your Comments