മുംബൈ: ഐപിഎല്‍ 15-ാം സീസണില്‍ പഞ്ചാബ് കിംഗ്സിന്റെ ക്യാപ്റ്റനെ പ്രഖ്യാപിച്ചു. ഇന്ത്യന്‍ താരം മായങ്ക് അഗര്‍വാള്‍ പുതിയ സീസണിൽ പഞ്ചാബിനെ നയിക്കും. പഞ്ചാബിന്റെ ഇൻസ്റ്റാഗ്രാം അക്കൗണ്ടിലൂടെയാണ് ഇക്കാര്യം പുറത്തുവിട്ടത്. ടീമിന്‍റെ നായകനാവുന്നതില്‍ സന്തോഷവും അഭിമാനവുമുണ്ടെന്ന് മായങ്ക് പ്രതികരിച്ചു. താരലേലത്തിന് മുമ്പ് ഫ്രാഞ്ചൈസി നിലനിര്‍ത്തിയ രണ്ട് താരങ്ങളിലൊരാളാണ് മായങ്ക്.
ഇതുവരെ ഐപിഎല്‍ കിരീടം നേടാത്ത പഞ്ചാബ് കിംഗ്സ്, ഐപിഎല്‍ 15-ാം സീസണിന് മുന്നോടിയായുള്ള മെഗാലേലത്തില്‍ മികച്ച താരങ്ങളെ എത്തിക്കാനായതിന്‍റെ പ്രതീക്ഷയിലാണ്. 2014ലാണ് പഞ്ചാബ് ടീം അവസാനമായി ഫൈനല്‍ കളിച്ചത്. ഇന്ത്യൻ ഇതിഹാസ സ്‌പിന്നറും ടീം ഇന്ത്യയുടെ മുന്‍ കോച്ചുമായ അനില്‍ കുംബ്ലെയാണ് ടീമിനെ പരിശീലിപ്പിക്കുന്നത്.
കുംബ്ലെ സ്‌പിന്‍ താരങ്ങളുടെ പരിശീലനത്തിനും മേല്‍നോട്ടം വഹിക്കുമ്പോള്‍ ഡാമിയന്‍ റൈറ്റാണ് പേസ് ബൗളിംഗ് കോച്ച്. ജോണ്ടി റോഡ്‌സാണ് ഫീല്‍ഡിംഗ് കോച്ചും ബാറ്റിംഗ് പരിശീലകനും.
Read Also:- വെറും വയറ്റില്‍ ഇഞ്ചി കഴിക്കുന്നതുകൊണ്ടുള്ള ഗുണങ്ങൾ!
പഞ്ചാബ് കിംഗ്സ് ടീം: മായങ്ക് അഗര്‍വാള്‍, അര്‍ഷ്‌ദീപ് സിംഗ്, ശിഖര്‍ ധവാന്‍, കാഗിസോ റബാഡ, ജോണി ബെയര്‍സ്റ്റോ, രാഹുല്‍ ചാഹര്‍, ഹര്‍പ്രീത് ബ്രാര്‍, ഷാരൂഖ് ഖാന്‍, പ്രഭ്‌സിമ്രാന്‍ സിംഗ്, ജിതേഷ് ശര്‍മ്മ, ഇഷാന്‍ പോരല്‍, ലിയാം ലിവിംഗ്‌‌സ്റ്റണ്‍, ഒഡീന്‍ സ്‌മിത്ത്, സന്ദീപ് ശര്‍മ്മ, രാജ് ബാവ, റിഷി ധവാന്‍, പ്രേരക് മങ്കാദ്, വൈഭവ് അറോറ, ഋത്വിക് ചാറ്റര്‍ജി, ബാല്‍തെജ് ദന്ധാ, അന്‍ഷ് പട്ടേല്‍, നേഥന്‍ എല്ലിസ്, അഥര്‍വാ തൈഡേ, ഭാനുകാ രജപക്‌സെ, ബെന്നി ഹവെല്‍.
Post Your Comments