ചെറാട് കുര്‍മ്പാച്ചി മലയുടെ മുകളില്‍ വീണ്ടും ആളുകള്‍, ഫ്ലാഷ് ലൈറ്റുകള്‍ തെളിഞ്ഞു: വനം വകുപ്പ് തിരച്ചില്‍ തുടങ്ങി

പാലക്കാട്: ചെറാട് കുര്‍മ്പാച്ചി മലയുടെ മുകളില്‍ വീണ്ടും ആളുകള്‍ കുടുങ്ങിക്കിടക്കുന്നതായി സംശയം. മലയുടെ മുകള്‍ഭാഗത്ത് നിന്ന് ഫ്ലാഷ് ലൈറ്റുകള്‍ തെളിയുന്നത് ശ്രദ്ധയില്‍പ്പെട്ട നാട്ടുകാരാണ് വിവരം വനം വകുപ്പ് ഉദ്യോഗസ്ഥരെ അറിയിച്ചത്. വനം വകുപ്പ് ഉദ്യോഗസ്ഥരും നാട്ടുകാരും ഇവിടേക്ക് എത്തിയിട്ടുണ്ട്.

അല്‍പം മുന്‍പാണ് മലയുടെ മുകളില്‍ നിന്ന് ലൈറ്റ് തെളിഞ്ഞത്. മലയുടെ മുകളില്‍ ഒന്നില്‍ കൂടുതല്‍ ആളുകള്‍ ഉള്ളതായാണ് സംശയിക്കുന്നത്. ഇവര്‍ താഴേക്ക് വന്നുകൊണ്ടിരിക്കുകയാണെന്നും അല്പ സമയത്തിനകം താഴേക്ക് എത്തുമെന്നുമാണ് ഉദ്യോഗസ്ഥരുടെ നിഗമനം.