കുവൈത്ത് സിറ്റി: വിമാനം യാത്ര പുറപ്പെടുന്നതിന് 20 മിനിറ്റ് മുൻപായി ഡിപ്പാർച്ചർ ഗേറ്റുകൾ അടയ്ക്കുമെന്ന് മുന്നറിയിപ്പ് നൽകി കുവൈത്ത്. ഡയറക്ടറേറ്റ് ജനറൽ ഓഫ് സിവിൽ ഏവിയേഷനാണ് ഇക്കാര്യം അറിയിച്ചത്. ഈ സമയത്തിന് ശേഷമെത്തുന്ന യാത്രികർക്ക് ഡിപ്പാർച്ചർ ഗേറ്റുകളിലൂടെ വിമാനത്തിലേക്ക് പ്രവേശനം അനുവദിക്കില്ലെന്നും ഡിജിസിഎ വ്യക്തമാക്കി.
2022 ഫെബ്രുവരി 6-നാണ് കുവൈത്ത് ഡിജിസിഎ ഇതുസംബന്ധിച്ച അറിയിപ്പ് നൽകിയത്. ബാഗേജ് കൗണ്ടറുകളിൽ ബാഗേജ് ചെക്ക്-ഇൻ പൂർത്തിയാക്കിയ യാത്രികർക്കും ഈ നിബന്ധന ബാധകമാണ്. യാത്ര പുറപ്പെടുന്ന സമയത്തിന് 20 മിനിറ്റ് മുൻപായി ഡിപ്പാർച്ചർ ഗേറ്റുകൾ അടച്ച ശേഷം ഡിപ്പാർച്ചർ ഗേറ്റിലെത്തുന്ന ബാഗേജ് ചെക്ക്-ഇൻ പൂർത്തിയാക്കിയ യാത്രികരെയും യാത്രചെയ്യുന്നതിനായി വിമാനത്തിലേക്ക് പ്രവേശിക്കുന്നതിന് അനുവദിക്കില്ലെന്നും അധികൃതർ അറിയിച്ചു.
Post Your Comments