നെടുമങ്ങാട്: പൊലീസ് സ്റ്റേഷനിൽ വെച്ച് പൊലീസ് ഉദ്യോഗസ്ഥരെ ആക്രമിച്ച കേസിലെ പ്രതി അറസ്റ്റിൽ. നെടുമങ്ങാട് നെട്ട ഹൗസിങ് ബോർഡ് ലക്ഷ്മിവിലാസത്തിൽ അക്ഷയ് (23)നെയാണ് പൊലീസ് പിടികൂടിയത്. നെടുമങ്ങാട് പൊലീസ് ആണ് പ്രതിയെ അറസ്റ്റ് ചെയ്തത്.
കഴിഞ്ഞ അഞ്ചിന് ആണ് കേസിനാസ്പദമായ സംഭവം. വൈകുന്നേരം ആറോടെ കുളവിക്കോണം എന്ന സ്ഥലത്ത് ബഹളമുണ്ടാക്കി പൊതുജനശല്യം ഉണ്ടാക്കിയതിന് സ്റ്റേഷനിൽ പ്രതിയെ കൂട്ടിക്കൊണ്ട് വന്നിരുന്നു. വിലാസം ചോദിച്ചുകൊണ്ടിരിക്കെ ജി.ഡി ചാർജിലുണ്ടായിരുന്ന എ.എസ്.ഐ സുഭാഷിനെ യാതൊരു പ്രകോപനവും കൂടാതെ ആക്രമിക്കുകയായിരുന്നു.
തടയാൻ ശ്രമിച്ച എസ്.ഐയെയും മറ്റ് പൊലീസ് ഉദ്യോഗസ്ഥരെയും ഇയാൾ ആക്രമിച്ചു. നെടുമങ്ങാട് പൊലീസ് ഇൻസ്പെക്ടർ സന്തോഷ് കുമാറിന്‍റെയും എസ്.ഐ സുനിൽ ഗോപിയുടെയും നേതൃത്വത്തിൽ ആണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments