ബ്രേക്ക്ഫാസ്റ്റിന് എളുപ്പത്തിൽ തയ്യാറാക്കാവുന്ന ഒരു ഭക്ഷണമാണ് റവ ഇഡലി. ഇത് തയ്യാറാക്കുന്നത് എങ്ങനെയെന്ന് നോക്കാം.
റവ ഇഡലി
ആവശ്യമുള്ള സാധനങ്ങൾ
റവ – നാല് കപ്പ്‌
ഉഴുന്ന് – ഒന്നേ മുക്കാല്‍ കപ്പ്‌
ഉപ്പ് – ആവശ്യത്തിന്
തയ്യാറാക്കുന്ന വിധം
ഉഴുന്ന് 4 മണിക്കൂര്‍ കുതിരാന്‍ വെക്കുക. റവയും കുറച്ചു ഇളം ചൂട് വെള്ളത്തില്‍ 4 മണിക്കൂര്‍ കുതിരാന്‍ വെക്കുക. ഉഴുന്ന് മിക്സിയില്‍ ആട്ടി എടുക്കുക.
Read Also : അണ്ടർ-19 ലോകകപ്പ് നേടി ഇന്ത്യ : ഇംഗ്ലണ്ടിനെ നാലു വിക്കറ്റിന് തകർത്തു
റവ ചൂട് വെള്ളം ഊറ്റി കളഞ്ഞതിനുശേഷം, അല്പം സാധാരണ വെള്ളം ഒഴിച്ച് അതില്‍ നിന്നും റവ കൈ കൊണ്ട് പിഴിഞ്ഞ് എടുത്തു ആട്ടിയ മാവുമായി ചേര്‍ത്ത് നന്നായി ഇളക്കുക. പാകത്തിന് ഉപ്പും ചേര്‍ക്കുക. ഈ മിശ്രിതം പുളിക്കാനായി ഒരു രാത്രി മുഴുവന്‍ വെക്കുക.
പിറ്റേ ദിവസം ഈ മാവ് ഇഡലി തട്ടില്‍ ഒഴിച്ച് ആവിയില്‍ വേവിച്ച്എടുക്കുക. (ഉഴുന്ന് ആട്ടുമ്പോള്‍ പരമാവധി കുറച്ചു വെള്ളത്തില്‍ ആട്ടിഎടുക്കാന്‍ നോക്കുക, അപ്പോള്‍ നല്ല മയമുള്ള ഇഡലി കിട്ടും). ഇതു ചട്നി കൂട്ടി കഴിക്കാം.
Post Your Comments