വീ​ട്ടി​ൽ അ​തി​ക്ര​മി​ച്ചു​ക​യ​റി ബാ​ലി​ക​യെ പീഡിപ്പിച്ച കേസ് : പ്ര​തി​ക്ക് നാ​ലു​വ​ർ​ഷം ക​ഠി​ന​ത​ട​വും പി​ഴ​യും

മു​ട്ടം: സു​ഹൃ​ത്തി​​​​ന്‍റെ വീ​ട്ടി​ൽ അ​തി​ക്ര​മി​ച്ചു​ക​യ​റി ബാ​ലി​ക​യെ പീഡിപ്പിച്ച കേ​സി​ൽ പ്ര​തി​ക്ക് നാ​ലു​വ​ർ​ഷം ക​ഠി​ന​ത​ട​വും 60,000 രൂ​പ പി​ഴ​യും ശിക്ഷ വിധിച്ച് കോടതി. ക​രി​മ​ണ്ണൂ​ർ നെ​യ്യ​ശ്ശേ​രി തൈ​പ്പ​റ​മ്പി​ൽ ആ​ദം എ​ന്ന ഷെ​മീ​ലി​നെ​യാ​ണ്​ (42)​ കോടതി ശിക്ഷിച്ചത്. തൊ​ടു​പു​ഴ പോ​ക്സോ പ്ര​ത്യേ​ക കോ​ട​തി ജ​ഡ്ജ്​ നി​ക്സ​ൻ എം. ​ജോ​സ​ഫ്​ ശി​ക്ഷി​ച്ച​ത്.

പി​ഴ ഒ​ടു​ക്കി​യി​ല്ലെ​ങ്കി​ൽ അ​ഞ്ച്​ മാ​സം​കൂ​ടി ക​ഠി​ന​ത​ട​വ്​ അ​നു​ഭ​വി​ക്ക​ണം. വീ​ട്ടി​ൽ അ​തി​ക്ര​മി​ച്ച് ക​യ​റി​യ​തി​ന് ഒ​രു വ​ർ​ഷം കൂ​ടി ശി​ക്ഷ​യു​ണ്ടെ​ങ്കി​ലും ശി​ക്ഷ ഒ​രേ കാ​ല​യ​ള​വി​ൽ അ​നു​ഭ​വി​ച്ചാ​ൽ മ​തി. എ​ന്നാ​ൽ, ഈ ​കു​റ്റ​ത്തി​ന് 10,000 രൂ​പ പി​ഴ ഒ​ടു​ക്ക​ണം. കേ​സി​ൽ ഇ​ര​യാ​യ 12 കാ​രി​ക്ക്​ 50,000 രൂ​പ ന​ഷ്ട​പ​രി​ഹാ​രം ല​ഭ്യ​മാ​ക്കാ​ൻ ജി​ല്ല ലീ​ഗ​ൽ സ​ർ​വി​സ​സ് അ​തോ​റി​റ്റി ന​ട​പ​ടി സ്വീ​ക​രി​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.

Read Also : ‘ഇത് ഒരു ജനാധിപത്യരാജ്യമാണ്, എതിരാളികളെ മത്സരിക്കാന്‍ അനുവദിക്കുക’:വിമർശനവുമായി സുപ്രീം കോടതി

2016 മാ​ർ​ച്ച് 14-നാ​ണ് കേ​സി​നാ​സ്പ​ദ​മാ​യ സം​ഭ​വം. ഒ​റ്റ​ക്കാ​യി​രു​ന്ന കു​ട്ടി​യെ വീ​ട്ടി​ൽ ക​യ​റി ലൈം​ഗി​ക അ​തി​ക്ര​മ​ത്തി​ന് ഇ​ര​യാ​ക്കി​യെ​ന്നാ​ണ് കേ​സ്. കു​ട്ടി​യു​ടെ പ​രാ​തി​യി​ൽ ക​രി​മ​ണ്ണൂ​ർ പൊ​ലീ​സ് കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ക്കു​ക​യാ​യി​രു​ന്നു. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ പി.​ബി. വാ​ഹി​ദ ഹാ​ജ​രാ​യി.