കാ​സ​ർ​ഗോ​ഡ് നിന്നും എം​ഡി​എം​എയുടെ വ​ൻ​ശേ​ഖ​രം പി​ടി​കൂ​ടി : ര​ണ്ടു​പേ​ർ പിടിയിൽ

കാ​സ​ർ​ഗോ​ഡ്: കാ​സ​ർ​ഗോ​ഡ് ജി​ല്ല​യി​ൽ ബേ​ക്ക​ൽ സ​ബ് ഡി​വി​ഷ​നു കീ​ഴി​ൽ പൊലീ​സ് ന​ട​ത്തി​യ പ​രി​ശോ​ധ​ന​യി​ൽ വ​ൻ എം​ഡി​എം​എ ശേ​ഖ​രം പി​ടി​കൂ​ടി. സം​ഭ​വ​വു​മാ​യി ബ​ന്ധ​പ്പെ​ട്ട് ക​ള​നാ​ട് കീ​ഴൂ​ർ ചെ​റി​യ പ​ള്ളി​ക്ക് സ​മീ​പ​ത്തെ ഷാ​ജ​ഹാ​ൻ (30), ചെ​മ്മ​നാ​ട് ക​പ്പ​ണ​ടു​ക്ക​ത്തെ എ.​എം. ഉ​ബൈ​ദ് (45) എ​ന്നി​വ​രെ പൊലീ​സ് അ​റ​സ്റ്റ് ചെ​യ്തു.

ഇ​വ​രി​ൽ ​നി​ന്ന് 243.38ഗ്രാം ​എം​ഡി​എം​എ പി​ടി​കൂ​ടി. പൊ​ലീ​സി​ന് കി​ട്ടി​യ ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ശ​നി​യാ​ഴ്ച വൈ​കു​ന്നേ​രം ഷാ​ജ​ഹാ​ന്‍റെ വീ​ട് പ​രി​ശോ​ധ​ന ന​ട​ത്തി​യ​തി​ൽ ര​ണ്ടു ഗ്രാം ​എം​ഡി​എം​എ​യും തു​ട​ർ​ന്ന് ച​ന്ദ്ര​ഗി​രി പാ​ല​ത്തി​ന് സ​മീ​പം വ​ച്ച് ന​ട​ത്തി​യ വാ​ഹ​ന പ​രി​ശോ​ധ​ന​യി​ൽ ഉ​ബൈ​ദ് ഓ​ടി​ച്ച സ്കൂ​ട്ട​റി​ന​ക​ത്ത് സൂ​ക്ഷി​ച്ചി​രു​ന്ന 241.38 ഗ്രാം ​എം​ഡി​എം​എ​യും ഇ​ല​ക്ട്രോ​ണി​ക് ത്രാ​സും പി​ടി​കൂ​ടി. ഇ​വർക്കെതിരെ മ​യ​ക്കു മ​രു​ന്ന് നി​രോ​ധ​ന നി​യ​മ പ്ര​കാ​രം കേ​സ് ര​ജി​സ്റ്റ​ർ ചെ​യ്തു.

Read Also : പോലീസ് മദ്യം വാങ്ങാനെന്ന വ്യാജേന എത്തി: നൂറ്റിയൊന്ന് ലിറ്റർ വിദേശ മദ്യവുമായി ഹോട്ടലുടമ പിടിയിൽ

സം​സ്ഥാ​ന പൊ​ലീ​സ് മേ​ധാ​വി​യു​ടെ നി​ർ​ദേ​ശ​പ്ര​കാ​രം സം​സ്ഥാ​ന​ത്തു​ട​നീ​ളം ന​ട​ന്നു വ​രു​ന്ന മ​യ​ക്കു​മ​രു​ന്ന് സ്പെ​ഷ​ൽ ഡ്രൈ​വി​ന്‍റെ ഭാ​ഗ​മാ​യിട്ടായിരുന്നു പരിശോധന.

ജി​ല്ലാ പോ​ലീ​സ് മേ​ധാ​വി വൈ​ഭ​വ് സ​ക്സേ​ന ഐ​പി​എ​സി​ന് കി​ട്ടി​യ ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ബേ​ക്ക​ൽ സ​ബ് ഡി​വി​ഷ​ൻ ഡി​വൈ​എ​സ്പി സി.​കെ. സു​നി​ൽ​കു​മാ​ർ, മേ​ല്പ​റ​മ്പ ഇ​ൻ​സ്പെ​ക്ട​ർ ടി. ​ഉ​ത്തം​ദാ​സ്, എ​സ്ഐ വി.​കെ. വി​ജ​യ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്.