ദുബായ്: ഉല്ലാസ നൗക തകർന്ന് അപകടത്തിലായ കുടുംബത്തെ രക്ഷിച്ച് ദുബായ് പോലീസ്. ജുമൈറ പാമിൽ ഉൾക്കടലിലാണ് ബോട്ട് അപകടത്തിൽപ്പെട്ടത്. ദുബായ് പോലീസിന്റെ മാരിടൈം റസ്‌ക്യൂ ടീമാണ് അപകടത്തിൽപ്പെട്ടവരെ രക്ഷപ്പെടുത്തിയത്. ജിസിസിയിൽ നിന്നുള്ള കുടുംബത്തിന്റെ അപായ സന്ദേശം ലഭിച്ച ഉടനെ രക്ഷാ പ്രവർത്തനം ആരംഭിക്കുകയായിരുന്നെന്ന് പോർട്‌സ് പോലീസ് സ്റ്റേഷൻ ഡയറക്ടർ ഡോ.ഹസ്സൻ സുഹൈൽ അൽ സുവൈദി അറിയിച്ചു.
രക്ഷാ ബോട്ടിൽ കുടുംബത്തെ കരയ്‌ക്കെത്തിച്ച ശേഷം പോലീസ് നൗക കെട്ടിവലിച്ച് തീരത്ത് എത്തിച്ചു. ദുബായ് പോലീസിന്റെ ആപ്പിൽ സെയ്ൽ സേഫ് ലി എന്ന സേവനം പ്രയോജനപ്പെടുത്തണമെന്നും അപായമുണ്ടാകുന്ന പക്ഷം നേരിട്ട് വിവരം പോലീസിൽ അറിയിക്കാൻ ഇതിൽ സംവിധാനമുണ്ടെന്നും അദ്ദേഹം വ്യക്തമാക്കി.
Post Your Comments