ലക്‌നൗ : എന്തെങ്കിലും രാഷ്ട്രീയ പാർട്ടികൾ പിന്തുണച്ചാൽ യുപി മുഖ്യമന്ത്രി യോഗി ആദിത്യനാഥിനെതിരെ മത്സരിക്കാൻ തയ്യാറാണെന്ന് ഡോ.കഫീൽ ഖാൻ. അടുത്ത മാസം യുപിയിൽ നടക്കുന്ന നിയമസഭാ തെരഞ്ഞെടുപ്പിൽ ഗോരഖ്പുർ മണ്ഡലത്തിൽ നിന്ന് മത്സരിക്കാൻ ഒരുങ്ങുകയാണ് യോഗി. ഈ സാഹചര്യത്തിലാണ് ഡോ. കഫീൽ ഖാന്റെ പ്രതികരണം.
ഏത് പാർട്ടി ടിക്കറ്റ് തന്നാലും യോഗിക്കെതിരെ മത്സരിക്കുമെന്നും ഇതുമായി ബന്ധപ്പെട്ട ചർച്ചകൾ നടക്കുകയാണെന്നും അദ്ദേഹം പറഞ്ഞു. മാർച്ച് മൂന്നിനാണ് ഗോരഖ്പുരിൽ തിരഞ്ഞെടുപ്പ് നടക്കുന്നത്. ഗോരഖ്പുരിലെ ബിആർഡി മെഡിക്കല്‍ കോളജില്‍ 2017-ല്‍ ഓക്സിജൻ കിട്ടാതെ കുഞ്ഞുങ്ങൾ മരിച്ച സംഭവത്തിൽ പ്രതി സ്ഥാനത്തായിരുന്നു കഫീൽ ഖാൻ. പിന്നീട് ഇദ്ദേഹത്തെ സർക്കാർ സർവ്വീസിൽ നിന്നും പിരിച്ച് വിടുകയും ചെയ്തിരുന്നു.
Read Also : സെന്‍ട്രല്‍ റെയില്‍വേയില്‍ അവസരം : ഇപ്പോൾ അപേക്ഷിക്കാം
ഇതോടെ പ്രിയങ്ക ഗാന്ധി കഫീലിന് വേണ്ടി സജീവമായി രംഗത്ത് വന്നിരുന്നു. സർക്കാരിന്റെ വീഴ്ച മറച്ചുപിടിക്കാൻ ഡോക്ടറെ ഇരയാക്കിയതാണെന്നും പ്രിയങ്ക ഗാന്ധി ആരോപിച്ചിരുന്നു. ഇതിന് പിന്നാലെയാണ് യോഗിക്കെതിരെ മത്സരിക്കാൻ തയ്യാറാണെന്ന് അദ്ദേഹം വെളിപ്പെടുത്തിയിരിക്കുന്നത്.
Post Your Comments