കുമാരനെല്ലൂര്‍ : മുക്കംകടവ് പാലത്തിന് സമീപമുള്ള പെട്ടിക്കട സമൂഹവിരുദ്ധര്‍ അടിച്ച് തകര്‍ത്തു. പാലത്തിന് സമീപം ശര്‍ക്കര മിഠായി കച്ചവടം നടത്തിയിരുന്ന കാരശ്ശേരി കുമാരനല്ലൂര്‍ ഒളകര അബ്ദുല്‍ അസീസിന്റെ പെട്ടിക്കടയ്ക്ക് നേരെയാണ് ആക്രമണം നടന്നത്.
തിങ്കളാഴ്ച രാത്രിയാണ് സമൂഹ വിരുദ്ധര്‍ കട തകര്‍ത്തത്. തിങ്കളാഴ്ച രാത്രി കച്ചവടം കഴിഞ്ഞതിന് ശേഷം വീട്ടിലേക്ക് പോയ അബ്ദുല്‍ അസീസ് ചൊവ്വാഴ്ച രാവിലെ വന്നപ്പോഴാണ് സംഭവം അറിയുന്നത്.
അയ്യായിരം രൂപയുടെ നഷ്ടമുണ്ടെന്നാണ് പ്രാഥമിക നിഗമനം. സമീപത്ത് മത്സ്യക്കച്ചവടം ചെയ്യുന്ന കുമാരനെല്ലൂര്‍ കാക്കേങ്ങല്‍ കുഞ്ഞിമുഹമ്മദിന്റെ ഉപകരണങ്ങള്‍ ഒരുമാസം മുമ്പ് അജ്ഞാതര്‍ തകര്‍ത്തിരുന്നു.
Post Your Comments