ഭൂട്ടാനിൽ ചൈനീസ് കൈയേറ്റം: ഉ​പ​ഗ്ര​ഹ ചി​ത്ര​ങ്ങ​ൾ പു​റത്ത്, ല​ക്ഷ്യ​മി​ടു​ന്ന​ത് സൈ​നി​ക വി​ന്യാ​സമെന്ന് സംശയം

ഡ​ൽ​ഹി: ഇ​ന്ത്യ-​ചൈ​ന അ​തി​ർ​ത്തി രാ​ജ്യ​മാ​യ ഭൂ​ട്ടാ​നി​ൽ ചൈ​നീ​സ് കൈ​യേ​റ്റം നടന്നതായി സ്ഥിരീകരണം. ഭൂട്ടാ​നി​ൽ ചൈ​ന ക​ട​ന്നു​കയറി നി​ർ​മി​ച്ച 166 കെ​ട്ടി​ട​ങ്ങ​ളു​ടെ വ്യ​ക്ത​ത​യാ​ർ​ന്ന ഉ​പ​ഗ്ര​ഹ ചി​ത്ര​ങ്ങ​ൾ പു​റ​ത്തു​വന്നു. സാ​യു​ധ​മാ​യി ചൈ​ന​യെ നേ​രി​ടാ​ൻ കഴിയാത്ത ഭൂ​ട്ടാ​ൻ, നിലവിൽ രാ​ജ്യ​സു​ര​ക്ഷ​ക്ക് പൂ​ർ​ണ​മാ​യും ആശ്രയിക്കുന്നത് ഇ​ന്ത്യ​യെ​യാ​ണ്. സൈ​നി​ക വി​ന്യാ​സ​മാ​ണോ ക​ട​ന്നു​ക​യ​റ്റ​മാ​ണോ ചൈ​ന ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്ന് വ്യ​ക്ത​മാ​യി​ട്ടി​ല്ല.

ഇ​ന്ത്യ​യും ചൈ​ന​യും ത​മ്മി​ൽ അ​തി​ർ​ത്തി സം​ഘ​ർ​ഷ​ത്തി​നു കാ​ര​ണ​മാ​യ ദോ​ക് ലാമിൽ​ ​നി​ന്ന് 30 കി.​മീ​റ്റ​ർ ദൂ​ര​ത്തി​ന​ക​ത്താ​ണ് ഭൂ​ട്ടാ​നി​ൽ ചൈ​ന​യു​ടെ പു​തി​യ നി​ർ​മാ​ണം. ദോ​ക് ലാമിൽ​ ചൈ​ന​യു​ടെ റോ​ഡ് നി​ർ​മാ​ണം ഇന്ത്യ​ൻ സൈ​ന്യം ത​ട​ഞ്ഞിരുന്നു. ഇതേതു​ട​ർ​ന്ന് ഇ​വി​ടെ നി​ന്ന് ഒ​മ്പ​തു കി​ലോ​മീ​റ്റ​ർ മാ​റി ചൈ​ന മ​റ്റൊ​രു റോഡ് നി​ർ​മി​ക്കാ​ൻ തു​ട​ങ്ങി​യ​തി​ന്‍റെ ഉ​പ​ഗ്ര​ഹ ചി​ത്ര​ങ്ങ​ൾ പു​റ​ത്ത് വ​ന്നി​രു​ന്നു.

സംസ്ഥാനത്ത് പങ്കാളികളെ കൈമാറുന്ന സംഘങ്ങൾക്കായി വലവിരിച്ച് പോലീസ്: ഇരുപതോളം സോഷ്യൽ മീഡിയ ഗ്രൂപ്പുകൾ നിരീക്ഷണത്തിൽ

ഭൂ​ട്ടാ​നി​ൽ നി​ർ​മാ​ണ​ത്തി​ലി​രി​ക്കു​ന്നതും നി​ർ​മാ​ണം ക​ഴി​ഞ്ഞ​തുമായ വിവിധ തരത്തിലുള്ള നിരവധി കെ​ട്ടി​ട​ങ്ങ​ളു​ടെ​യും പു​തി​യ പാ​ത​ക​ളു​ടേ​യും ഉ​പ​ഗ്ര​ഹ ചി​ത്ര​ങ്ങ​ളാ​ണ് ഇ​പ്പോ​ൾ പു​റ​ത്ത് വ​ന്നി​ട്ടുള്ളത്. മ​ണ്ണ് മാ​ന്തി യ​ന്ത്ര​മ​ട​ക്കം നി​ർ​മാ​ണ സാ​മ​ഗ്രി​ക​ളും ചി​ത്ര​ങ്ങ​ളി​ൽ വ്യ​ക്ത​മാ​ണ്. ദേ​ശീ​യ ടെ​ലി​വി​ഷ​ൻ ചാ​ന​ലാ​യ എ​ൻഡി​ടി​വിയാണ് ചിത്രങ്ങൾ പുറത്തുവിട്ടത്.