അമേരിക്ക: വീണ്ടും അണുബാധയുണ്ടാകാത്തതും വര്‍ഷങ്ങളോളം ഫലപ്രാപ്തി നല്‍കുന്നതുമായ വാക്സിനുകള്‍ നമുക്ക് ആവശ്യമാണെന്ന് പ്രമുഖ ബിസിനസ് മാൻ ബില്‍ ഗേറ്റ്സ്. പൂര്‍ണ്ണമായി വാക്സിനേഷന്‍ എടുത്ത ആളുകള്‍ പോലും വൈറസിന്റെ പുതിയതും ശക്തവുമായ വകഭേദങ്ങള്‍ കാരണം വീണ്ടും രോഗബാധിതരാകുന്നുവെന്നും, കൂടാതെ വാക്സിന്റെ ഫലപ്രാപ്തിയുടെ ദൈര്‍ഘ്യം ഇപ്പോഴും വളരെ കുറവാണെന്നും ബില്‍ ഗേറ്റ്സ് ട്വിറ്ററില്‍ കുറിച്ചു.
Also Read:കസാഖ്സ്ഥാൻ ഇപ്പോൾ സുരക്ഷിതം : പ്രസിഡന്റ് ടോക്കായേവ്
‘വീണ്ടും അണുബാധയുണ്ടാക്കാത്തതും വര്‍ഷങ്ങളോളം ഫലപ്രാപ്തി നല്‍കുന്നതുമായ വാക്സിനുകളാണ് നമുക്ക് ആവശ്യം. കുറച്ച്‌ കാലത്തേക്കെങ്കിലും നാം വര്‍ഷാവര്‍ഷം കോവിഡ് പ്രതിരോധ വാക്സിനെടുക്കേണ്ടി വന്നേക്കാം. കോവിഡിന്റെ ഉത്ഭവം മറ്റൊരു ജീവിയില്‍ നിന്നാണെന്ന് തെളിയിക്കുന്ന ഡാറ്റകളുണ്ട്. ലാബുകളെല്ലാം അതീവ ശ്രദ്ധയോടെ പ്രവര്‍ത്തിക്കണം. ഭാവിയില്‍ മറ്റ് ജീവജാലങ്ങളില്‍ നിന്ന് മഹാമാരികള്‍ പൊട്ടിപ്പുറപ്പെടാന്‍ സാധ്യതയുണ്ട്, അതിനാല്‍ തയ്യാറായി നില്‍ക്കാനായി ധാരാളം നിക്ഷേപം നടത്തേണ്ടതുണ്ട്’, അദ്ദേഹം വ്യക്തമാക്കി.
‘കോവിഡിന്റെ ഒമിക്രോണ്‍ വകഭേദം ലോകമെമ്പാടുമുള്ള ആരോഗ്യസംരക്ഷണ സംവിധാനങ്ങളെ വെല്ലുവിളിക്കും. ഏറ്റവും ഗുരുതരമായി അത് ബാധിക്കുക വാക്സിനേഷന്‍ എടുക്കാത്ത ആളുകളെ ആയിരിക്കും. ഒമിക്രോണ്‍ ഒരു രാജ്യത്ത് പടര്‍ന്നുപിടിച്ചു കഴിഞ്ഞാല്‍, അവിടുത്തെ കേസുകള്‍ ഇല്ലാതാവുകയും പിന്നാലെ കോവിഡിനെ ഒരു സീസണല്‍ ഫ്ലൂ പോലെ പരിഗണിക്കാനും തുടങ്ങിയേക്കും’, ബില്‍ ഗേറ്റ്സ് കൂട്ടിച്ചേർത്തു.
Post Your Comments