മുംബൈ: നടിയോട് ലൈംഗികാഭ്യര്‍ഥന നടത്തിയ 24കാരന്‍ അറസ്റ്റില്‍. സംവിധായകൻ എന്ന് പറഞ്ഞുകൊണ്ട് വെബ് സീരീസില്‍ അഭിനനയിപ്പിക്കാമെന്ന് വാഗ്ദാനം നല്‍കിയാണ് നടിയെ ചൂഷണം ചെയ്യാൻ ശ്രമിച്ചത്. സംഭവത്തിൽ ഓംപ്രകാശ് തിവാരിയെ പോലീസ് അറസ്റ്റ് ചെയ്തു.
ബംഗാളി നടിയോടാണ് യുവാവ് ലൈംഗിക അഭ്യര്‍ഥനയുമായി സമീപിച്ചത്. നേരത്തെ ഒരു പ്രൊഡക്ഷന്‍ ഹൗസില്‍ ജോലി ചെയ്തിരുന്നതിനാല്‍ കാസ്റ്റിങ് പ്രക്രിയയെ കുറിച്ച്‌ അറിയാമായിരുന്ന ഓംപ്രകാശ് തിവാരി താന്‍ സ്വന്തമായി ഒരു പ്രൊഡക്ഷന്‍ ഹൗസ് നടത്തുന്നതായ് സമൂഹമാധ്യമങ്ങളില്‍ പരസ്യം ചെയ്തിരുന്നു.
സമൂഹമാധ്യമങ്ങളിലൂടെയാണ് ഇരുവരും പരിചയപ്പെട്ടത്. താന്‍ പുതുതായി സംവിധാനം ചെയ്യുന്ന വെബ് സീരിസില്‍ അവസരമുണ്ടെന്നും അതിനായി സ്വകാര്യ ചിത്രങ്ങള്‍ അയക്കണമെന്നും ഇയാള്‍ നടിയോട് ആവശ്യപ്പെട്ടിരുന്നു. ഇങ്ങനെ കിട്ടിയ ചിത്രങ്ങൾ വച്ചാണ് ഇയാളുടെ ഭീഷണി. തന്റെ ആവശ്യങ്ങള്‍ അംഗീകരിച്ചില്ലെങ്കില്‍ സ്വകാര്യ ചിത്രങ്ങള്‍ സമൂഹമാധ്യമങ്ങളില്‍ പ്രചരിപ്പിക്കുമെന്ന് പറഞ്ഞ് ഇയാള്‍ നടിയെ ഭീഷണിപ്പെടുത്തിയതായും പൊലീസ് പറഞ്ഞു.
Post Your Comments