ചീപ്പുങ്കൽ: ഹൗസ് ബോട്ട് ഓണേഴ്സ് അസോസിയേഷൻ പ്രസിഡന്‍റും മുൻ പഞ്ചായത്തംഗവുമായ ആലുംപറമ്പിൽ സോജിക്ക് ആക്രമണത്തിൽ പരിക്ക്. പെണ്ണാർ തോട്ടിലെ പോള വാരുന്നതുമായി ബന്ധപ്പെട്ട് ഹൗസ് ബോട്ട് സൊസൈറ്റിയുടെ നേതൃത്വത്തിൽ നടത്തി വന്ന പ്രവർത്തനങ്ങളെ സംബന്ധിച്ച് വാട്സ്ആപ്പ് ഗ്രൂപ്പിൽ ഉടലെടുത്ത തർക്കമാണ് ആക്രമണത്തിലേക്ക് നയിച്ചത്.
ഞായാറാഴ്ച രാത്രി 10-നു ആണ് സംഭവം. വടിവാൾ ഉൾപ്പെടെയുള്ള മാരകായുധങ്ങളുമായി വീടിനു മുന്നിലെ ഓഫീസിലെത്തിയ സംഘം സോജിയെ ആക്രമിക്കുകയായിരുന്നു. വീട്ടിലേക്ക് ഓടിക്കയറിയെങ്കിലും കുടുംബാംഗങ്ങളുടെ മുന്നിലിട്ടും ആക്രമിച്ചു.
വീടിന്‍റെ ജനൽചില്ലകളും അക്രമികൾ തകർത്തു. ജില്ലാ ആശുപത്രിയിൽ ചികിത്സയിൽ കഴിയുന്ന സോജിയുടെ പരാതിയിൽ പൊലീസ് കേസെടുത്തു.
Post Your Comments