‘ലളിത’ സരളയുടെ സുഹൃത്തും വഴികാട്ടിയും: വനിതയ്ക്കെതിരെ ട്രോൾ മഴ

വനിതകളുടെ സുഹൃത്തും വഴികാട്ടിയുമെന്ന് വിളംബരം ചെയ്യുന്ന മാധ്യമാണ് വനിത. എന്നാൽ സമൂഹമാധ്യമത്തിൽ വനിതയ്ക്ക് ട്രോളുകളുടെ പൂരം. ലളിത സരളയുടെ സുഹൃത്തും വഴികാട്ടിയും എന്ന പേരിൽ തയ്യാറാക്കപ്പെട്ട ട്രോളിൽ വനിതയെ അടിമുടി പരിഹസിക്കുകയാണ്.

read also: കോവിഡ് പ്രതിരോധം: 24 മണിക്കൂറിനിടെ യുഎഇയിൽ നൽകിയത് 20,669 വാക്സിൻ ഡോസുകൾ

മലയാള സാഹിത്യത്തിലെ വൻ വിവാദങ്ങളെയും അൽപ്പത്തരങ്ങളെയും സ്മൃതി പഥത്തിലെത്തിക്കുക എന്ന ദൗത്യം കൂടി ഈ ട്രോളിലുണ്ട്. സാഹിത്യത്തിലെ മൗലികതയെ പറ്റി പറയാൻ ദീപാ നിശാന്തും ഭാഷയുടെ ലാളിത്യത്തെക്കുറിച്ച് പറയാൻ പരുക്കൻ ഭാഷയുടെ വക്താവായ മേതിലും എത്തുന്ന ലളിതയാണ് ഇപ്പോൾ സോഷ്യൽ മീഡിയയിൽ താരം. തുണ്ട് എഴുത്തിലൂടെ മലയാളിയെ കോരിത്തരിപ്പിച്ച പമ്മൻ വഴി തെറ്റുന്ന യുവതയെക്കുറിച്ച് പറഞ്ഞാലെന്താകും ? ഇങ്ങനെ ഒട്ടനവധി വിരുദ്ധ ഹാസ്യങ്ങളാൽ സമ്പന്നമായ ട്രോൾ അടിമുടി വനിതയെ പരിഹസിക്കുന്നു